پاکستان جموں و کشمیر کی ترقی کو پٹری سے اتارنا چاہتا ہے، ہمارے اتحاد کو توڑنا چاہتا ہے/ منوج سنہا

اننت ناگ/07 جولائی / ٹی آئی نیوز

جموں و کشمیر کے لیفٹنٹ گورنر منوج سنہا نے پاکستان پر الزام لگایا کہ وہ خطے کی ترقی کے سفر کو پٹری سے اتارنے اور برادریوں کے درمیان تفرقہ بونے کی کوشش کر رہا ہے۔

عشمقام اننت ناگ میں ایک مذہبی تقریب سے خطاب کرتے ہوئے لیفٹنٹ گورنر منوج سنہا نے پاکستان کو ایک "دہشت گرد ملک” قرار دیا جو جموں اور کشمیر میں گزشتہ پانچ سالوں میں محنت سے کی گئی پیش رفت کو ختم کرنے کیلئے پرعزم ہے۔

انہوں نے کہا”پاکستان جموں و کشمیر کی پانچ سالہ ترقی کو تباہ کرنا چاہتا ہے۔ وہ ہمارے اتحاد کو توڑنا چاہتا ہے۔ ہمیں اس کے مذموم عزائم کو کامیاب نہیں ہونے دینا چاہیے“۔