شہر سرینگر میں برف صاف کرنے کا کام زوروں پر، اسپتال کی سڑکوں کو ترجیح دی گئی/ ایس ایم سی کمشنر

سرینگر/28 دسمبر / ٹی آئی نیوز

شہر سرینگر میں برف صاف کرنے کا کام اس وقت زوروں پر ہے کی بات کرتے ہوئے سرینگر میونسپل کارپویشن کے کمشنر ڈاکٹر اوئیس احمد نے کہا کہ وہ اس بات کو یقینی بنانے کے لیے کام کر رہے ہیں کہ شہر تک رسائی ممکن رہے جبکہ اسپتالوں کی طرف جانے والی سڑکوں کو ترجیح دی جائے۔

انہوں نے کہا کہ اسپتالو ں جیسی ضروری خدمات کی طرف جانے والی ترجیحی سڑکوں کو پہلے صاف کیا گیا ہے۔

انہوں نے کہا کہ شہر بھر میں برف ہٹانے والی مشینوں کے ذریعے مکینیکل کلیئرنس مکمل کر لی گئی ہے، جبکہ تنگ گلیوں اور بائی لین کی دستی کلیئرنس ابھی بھی جاری ہے۔