منوج سنہا کی منتخب ممبروں کو مبارکباد، ووٹروں کی سراہنا

سری نگر، 9 اکتوبر

جموں وکشمیر کے لیفٹیننٹ گورنر منوج سنہا نے بدھ کے روز اسمبلی انتخابات میں کامیابی حاصل کرنے والے نیشنل کانفرنس قیادت والے اتحاد کے ممبروں اور دیگر تمام ممبروں کو مبارکباد پیش کی اور ووٹروں کی سراہنا کی۔

انہوں نے کہا: ’میں عوام کی خدمت کے لئے ان تمام اراکین کے لئے نیک خواہشات کا اظہار کرتا ہوں‘۔

موصوف لیفٹیننٹ گورنر نے ’ایکس‘ پر اپنے ایک پوسٹ میں کہا: ’ اسمبلی انتخابات میں کامیابی حاصل کرنے والے نیشنل کانفرنس قیادت والے اتحاد کے ممبروں اور دیگر تمام ممبروں کو مبارکباد پیش کرتا ہوں‘۔

انہوں نے کہا: ’میں عوام کی خدمت کے تئیں ان کے لیے نیک خواہشات کا اظہار کرتا ہوں‘۔

ان کا کہنا تھا: ’ہندوستان کا آئین ہماری رہنمائی کے لئے روشنی ہے اور میں سب سے گذارش کرتا ہوں کہ وہ جموں و کشمیر کی ترقی اور لوگوں کی فلاح و بہبود کے لیے مل کر کام کریں‘۔
منوج سنہا نے کہا:’پرامن انتخابی عمل اور لاکھوں ووٹروں کی شرکت متحرک جمہوریت اور ملک کی جمہوری اقدار پر عوام کے اعتماد کا منہ بولتا ثبوت ہے‘۔
انہوں نے کہا: ’ آج جموں و کشمیر گڈ گورننس، عوام اول، سماجی انصاف اور سماجی ہم آہنگی کے اصولوں کی رہنمائی میں اونچے مقام پر فائز ہے‘۔
لیفٹیننٹ گورنر نے کہا: ’میں جموں و کشمیر کے یونین ٹریٹری میں جمہوریت کو بااختیار بنانے اور مضبوط کرنے کے لئے لوگوں کا شکریہ ادا کرتا ہوں‘۔
انہوں نے کہا: ’میں بیلٹ کے تقدس کو برقرار رکھنے اور شفاف، آزادانہ اور منصفانہ انتخابات کو کامیابی کے ساتھ مکمل کرنے کے لیے انتھک اور تندہی سے کام کرنے کے لیے جموں وکشمیر کے سی ای او، الیکشن کمیشن کے حکام، جموں وکشمیر پولیس اور سیکورٹی فورسز کی کاوشوں کی سراہنا کرتا ہوں‘۔