سری نگر28 ستمبر
جنوبی ضلع کولگام کے آدیگام دیوسر گاوں میں سیکورٹی فورسز اور ملی ٹینٹوں کے مابین شدید گولیوں کاتبادلہ ہوا جس میں دو ملی ٹنٹ ہلاک ہو گئے جبکہ ہ ملی ٹینٹوں کی ابتدائی فائرنگ میں پولیس آفیسر اور چار فوجی زخمی ہوئے جنہیں علاج ومعالجہ کی خاطر نزدیکی ہسپتال منتقل کیا گیا
۔اطلاعات کے مطابق ہفتے کی صبح سیکورٹی فورسز نے مصدقہ اطلاع موصول ہونے کے بعد کولگام کے آدیگام دیوسر علاقے کو محاصرے میں لے کر تلاشی آپریشن شروع کیا۔
ذرائع کے مطابق جوںہی سلامتی عملے کے اہلکار مشتبہ مقام کے نزدیک پہنچے تو وہاں پر موجود ملی ٹینٹوں نے سیکورٹی فورسز پر اندھا دھند فائرنگ شروع کردی چنانچہ سیکورٹی فورسز نے بھی پوزیشن سنبھال کر جوابی کارروائی کا آغاز کیا جس دوران شدید گولیوں کا تبادلہ شروع ہوا۔ذرائع نے بتایا کہ ابتدائی فائرنگ میں ایڈیشنل سپر انٹنڈنٹ آف پولیس (اے ایس پی) اور فوج کے چار جوان زخمی ہوئے جنہیں علاج ومعالجہ کی خاطر فوری طورپر نزدیکی ہسپتال منتقل کیا گیا۔سیکورٹی فورسز نے دیوسر کولگام اوراس کے ملحقہ علاقوں کو سیل کرکے فرار ہونے کے سبھی راستوں پر پہرے بٹھا دئے ہیں۔
ذرائع نے بتایا کہ علاقے میں کافی دیر تک چلی جھڑپ میں دو ملی ٹنٹ مارے گئے ہیں جن کی ابھی تک شناخت نہیں ہو سکی ہے اور آپریشن جاری ہے
Comments are closed.