سونہ مرگ میں برف کے نیچے دب جانے سے سیاح جاں بحق

سری نگر،25مئی

سیاحتی مقام سونہ مرگ میں برف کے گڑھے میں گرنے سے سیاح ہلاک جبکہ اس کا ساتھی زخمی ہوا ہے ۔

اطلاعات کے مطابق ہفتے کے روز سونہ مرگ میں تھجواس گلیشئر کی سیر وتفریح پر دوسیاح گئے اس دوران حادثاتی طور پر دونوں برف کے گڑھے میں جاگرے ۔
معلوم ہوا ہے کہ پولیس نے فوری طورپر ریسکیو آپریشن شروع کیا جس دوران دونوں کو برف کے گڑھے سے باہر نکال کر ہسپتال لے جایا گیا تاہم ڈاکٹروں نے دیپک پرلاد پٹیل ساکن مہاراشٹریہ کو مردہ قرار دیا۔
معلوم ہوا ہے کہ حادثے میں زخمی ہوئے دوسرے سیاح کی حالت خطرے سے باہر بتائی جارہی ہے۔
اس سلسلے میں مزید تفصیلات کا انتظار ہے۔