نئی دہلی، 14 فروری (یو این آئی) ریلوےوزیر پیوش گوئل نے ریلوے میں ہائی اسکول اور آئی ٹی آئی پاس نوجوانوں کے لئے گروپ ڈی میں تقریبا 63 ہزار خالی اسامیوں کو پر کرنے کا اعلان کیا ہے۔ اور لائق نوجوانوں سے ان اسامیوں کے لئے درخواست دینے کی اپیل کی ہے۔
ریلوے وزیر نے ٹویٹ کر کے یہ اپیل کی۔ ریلوے میں روزگار کے مواقع میسر ہیں۔ ہائی اسکول اور آئی ٹی آئی پاس طلبہ اس کے لئے اپلائی کرسکتے ہیں۔ درخواست دینے کی آخری تاریخ 12 مارچ 2018 ہے۔
سرکاری ذرائع کے مطابق 62 ہزار 907 ملازمین کے لئے لیول 1 پے اسکیل پر تقرری کا اعلان کردیا گیا ہے۔ اس تقرری میں ریلوے کی الگ الگ یونٹوں میں پہلے سے ٹریننگ لے رہے لوگوں (اپرنٹس) کو اولیت دی جائے گی۔
Comments are closed.