وادی کے پانچ مقامات پر ایس آئی اے کے چھاپے

سرینگر /21فروری / ٹی آئی نیوز

سٹیٹ تحقیقاتی ایجنسی ( ایس آئی اے ) نے منگل کی صبح وسطی، شمالی اور جنوبی کشمیر کے مختلف حصوں میں متعدد مقامات پر چھاپے مارے ہیں جو ایس آئی اے میں درج کیے گئے عسکریت پسندی سے متعلق کیس کی تحقیقات کے حصے کے طور پر ہیں۔

ایک اہلکار نے بتایا کہ مقامی پولیس اور سی آر پی ایف کے تعاون سے تفتیشی ایجنسی کے اہلکاروں نے پانچ مقامات پر چھاپے مارے۔ انہوں نے کہا کہ”’نارکو دہشت گردی‘ “کیس میں بارہمولہ، اننت ناگ، پلوامہ، بڈگام، سوپور کے اضلاع میں تلاشی لی جارہی ہے۔

اننت ناگ میں ہردو اکاد کے رہنے والے اویس گل ولد گل محمد کے گھر کی جانچ ایجنسی کی طرف سے تلاشی لی جا رہی ہے۔