سرینگر/27دسمبر/ کووڈ 19سے نمٹنے کےلئے تیاریوں کو یقینی بنانے کی خاطر ملک بھر کے اسپتالوں میں ماک ڈرل کا اہتمام کیا جارہا ہے۔ادھر وادی کشمیر میں بھی کووڈ کی تازہ لہر سے نمٹنے کےلئے مرکزی سرکار کی ہدایت پر عمل درآمد کرتے ہوئے تمام ہسپتالوں میں موک ڈرل کا اہتمام کیا گیا ۔سی این آئی کے مطابق ملک میں کووڈا±نیس ایمرجنسی تیاریوں کا جائزہ لینے کےلئے آج سبھی اسپتالوں میں ملک گیر سطح پرتیاریوں سے متعلق آزمائشی مشق منعقد کی جا رہی ہیں۔ چین، امریکہ سمیت کچھ ملکوں میںکووڈ ا±نیس کے بڑھتے ہوئے معاملوں کے تناظر میں اِس آزمائشی مشق کا انعقاد کیاجارہا ہے۔ آزمائشی مشق کے دوران کووڈ ا±نیس سے نمٹنے کےلئے اسپتالوں میں دستیابوسائل کا جائزہ لیا جارہا ہے، جس میں بنیادی ڈھانچے کی تیاری، بالخصوص آکسیجنپلانٹس پر توجہ مرکوز کیا جانا، وینٹی لیٹرس، ساز و سامان اور انسانی وسائل شامل ہیں۔ملک میں کووڈ کی صورتحال پر وزیر اعظم نریندر مودی کی ایک جائزہ میٹنگ منعقد ہونےکے بعد آزمائشی مشق انجام دئے جانے کا فیصلہ کیا گیا ہے۔دریں اثناءچوتھی کووڈ لہر الارم کے پیش نظر کووڈ مینجمنٹ اور تیاریوں کے لیے اسپتالوں اور مراکز صحت نے آج پورے کشمیر میں فرضی مشقیں عمل میں لائی گئیں۔یہ مشقیں ڈائریکٹر ہیلتھ سروسز کشمیر ڈاکٹر مشتاق احمد راتھر کی ہدایت پر تمام ضلعی ہسپتالوں اور مراکز صحت میں کی گئیں۔ڈائریکٹر نے کہا کہ مشقیں تمام اضلاع میں صحت کی سہولیات کی دستیابی، الگ تھلگ بستروں کی گنجائش، آکسیجن سے چلنے والے بستروں، آئی سی یو (انتہائی نگہداشت یونٹ) کے بستروں اور وینٹی لیٹر سے چلنے والے بستر جیسے پیرامیٹرز پر توجہ مرکوز کریں گی۔ڈی ایچ ایس کے نے خود سری نگر کے جے ایل این ایم اسپتال کا دورہ کیا تاکہ موک ڈرل اور کوویڈ وبائی امراض کی تیاریوں کا جائزہ لیا جاسکے۔انہوں نے کہا کہ ڈاکٹروں، صحت کی دیکھ بھال کرنے والے کارکنان کو کووڈ وبائی لہروں کے اپنے سابقہ انتظامات کے پیش نظر کشمیر میں مکمل تربیت دی گئی ہے۔یہ فرضی مشقیں مرکزی صحت اور خاندانی بہبود کی وزارت کی ہدایات کے بعد ملک کے تمام اسپتالوں اور صحت کے مراکز میں منعقد کی جا رہی ہیں۔”آج فرضی مشقیں کی جا رہی ہیں کہ ہم کتنے تیار ہیں۔ ہمیں مکمل نگرانی اور تمام لاجسٹکس تیار رکھنے کی ضرورت ہے۔ اگر کوئی کوتاہی پائی جاتی ہے (ماک ڈرل کے دوران) تو اسے دور کیا جا رہا ہے۔اس سے قبل سکریٹری صحت اور طبی تعلیم بھوپندر کمار نے کئی ممالک میں کووڈ مثبت کیسوں میں اضافے کے بعد کوویڈ کی تیاریوں کا جائزہ لیا تھا۔
Comments are closed.