سرینگر جموں شاہراہ پر ٹرک گہری کھائی میں جاگر ی ، دو لقمہ اجل

سرینگر /26دسمبر / ٹی آئی نیوز
سرینگر جموں شاہراہ پر رام بن کے مقام پر بیٹری چشمہ علاقے کے قریب گیس سلنڈروں سے لدا ٹرک گہری کھائی میں گرنے سے کم از کم دو افراد کی موت ہو گئی۔
پولیس کے مطابق صبح 4 بجے کے قریب بیٹری چشمہ کے قریب گیس سلنڈر سے بھرا ٹرک گہری کھائی میں جا گرا۔
انہوں نے کہا کہ واقعے کے فوراً بعد پولیس، کیو آر ٹی اور آرمی کے آر او پی نے مشترکہ طور پر ریسکیو آپریشن شروع کیا۔
اہلکار نے بتایا کہ جائے وقوعہ سے دو لاشیں برآمد کی گئی ہیں جبکہ ان کی شناخت کی جا رہی ہے۔