لشکر چیف ابو دجانہ فرار ؍سنگباز وں کا ہجوم آڑے آگیا

سرینگر؍25مئی ؍ ؍ الفا نیوز سروس ؍ سنگبازوں کے ہجوم نے پتھرائو کرکے لشکر چیف سمیت کئی جنگجووں کوفرار ہونے کا موقعہ فراہم کیا۔پولیس ذرائع کے مطابق پلوامہ کے ہاکری پورہ علاقے میں فوج فورسز اور پولیس نے ایک مصدقہ اطلاع ملنے پر محاصرہ کر لیا جہاں یہ اطلاع ملی تھی کہ اس علاقے میں کئی ایک جنگجو چھپے ہوئے ہیں جن میں لشکر کے چیف ابو دجانہ بھی ہیں ۔چنانچہ فوج نے جب اس علاقے کاآپریشن شروع کر دیا تو پولیس ذرائع کے مطابق اس دوران وہاں جنگجووںنے محاصرے کئے فوجی اہلکاروںپر فائرنگ کی جس کی وجہ سے باضابط طور پر جھڑپ چھڑ گئی ۔پولیس ذرائع کے مطابق اس دوران اچانک سنگبا زوںکا ہجوم نمودار ہوا جس نے اندھا دھند طریقے سے فوج اور فورسز پر سنگبازی کی جس کی وجہ سے آپریشن میں خلل پڑگیا اور سنگبازی کی وجہ سے جنگجو فرار ہونے میںکامیاب ہوگئے ۔پولیس کے ایک آفیسر کا ماننا ہے کہ سنگبازوں کا ہجوم ابودجانہ کو فرار ہونے میں مدد گار بن گیا ۔ انہوںنے کہا جب صبح دوسری بار آپریشن شروع کیا گیا تو وہاں سے جنگجو فرار ہونے میں کامیاب ہو چکے تھے ۔