ٹنل کے آر پار موسم اگلے دو دنوں تک مجموعی طور پر خشک رہنے کا امکان / محکمہ موسمیات

سرینگر /07اکتوبر /ٹی آئی نیوز

محکمہ موسمیات نے اگلے 24 گھنٹوں کے دوران جموں و کشمیر میں مجموعی طور پر موسم خشک رہنے کی پیشگوئی کی ہے۔محکمہ موسمیات کے ایک اہلکار نے بتایا کہ اگلے دو دنوں تک موسم میں کوئی بڑی تبدیلی متوقع نہیں ہے۔
شبانہ درجہ حرارت کے بارے میں محکمہ موسمیات نے بتایا کہ سرینگر میں کم سے کم 9.2 ڈگری سینٹی گریڈ ریکارڈ کیا گیا جو گزشتہ رات 9.6 ڈگری سینٹی گریڈ تھا۔
قاضی گنڈ میں گزشتہ رات 7.8 ڈگری سینٹی گریڈ کے مقابلے میں 5.0 ڈگری سینٹی گریڈ ریکارڈ کیا گیا۔ انہوں نے کہا کہ وہاں درجہ حرارت معمول سے 2.5 ڈگری سینٹی گریڈ کم تھا۔
سیاحتی مقام پہلگام میں شبانہ درجہ حرارت گزشتہ رات 5.6 ڈگری کے مقابلے میں 5.3 ڈگری سیلشس درج کیا گیا جبکہ جموں میں کم سے کم درجہ حرارت 21.3 ڈگری سینٹی گریڈ ریکارڈ کیا گیا جو گزشتہ رات 21.1 ڈگری سینٹی گریڈ تھا۔