سرینگر /28ستمبر /
مرکزی سرکار نے بدھ کے روز غریبوں کو 44,700 کروڑ روپے سے زیادہ کی لاگت سے مفت راشن فراہم کرنے کے پروگرام میں تین ماہ کی توسیع کی ہے۔
مانیٹرنگ ڈیسک کے مطابق مہنگائی کی مار میں غریب عوام کو ایک اور بڑی راحت دیتے ہوئے مرکزی سرکار نے مفت راشن اسکیم میں 3 ماہ کی توسیع کردی۔
وزارت اطلاعات کے مرکزی وزیر انوراگ ٹھاکر نے کہا کہ 80 کروڑ غریبوں کو ہر ماہ 5 کلو گندم اور چاول مفت فراہم کرنے کی اسکیم، جو جمعہ کو ختم ہو رہی تھی، اب 31 دسمبر 2022 تک چلے گی۔قابل ذکر ہے کہ پردھان منتری غریب کلیان انا یوجنا اپریل 2020 میں ان غریبوں کی مدد کیلئے شروع کی گئی تھی جن کا ذریعہ معاش کورونا وائرس کے پھیلاو¿ کو روکنے کے لیے ملک گیر لاک ڈاو¿ن کے ذریعے بند کر دیا گیا تھا۔
Comments are closed.