جموں کشمیر کی پڑوسی ریاستوں تک پہنچا ڈیلٹا پلس ویرینٹ؛ ملک میں ڈیلٹا وائرس سے متاثرہ افراد کی تعداد 200کے پار

سرینگر/27جون/سی این آئی// جموں کشمیر کی پڑوسی ریاستوں میں ڈیلٹا وائرس کے کئی معاملات سامنے آئے ہیں پنجاب اور ہریانہ کے دارالحکومت چنڈی گڑھ میں ڈیلٹا پلس ویرینٹ کا پہلا معاملہ رپورٹ ہوا، اس کے علاوہ پنجاب میں دو اور ہریانہ میں بھی ڈیلٹا پلس ویرینٹ کا ایک معاملہ پایا گیااس کے ساتھ ہی ملک میں ڈلٹا وائرس میں مبتلاء مریضوں کی تعداد 200سے پار ہوئی ہے ۔کرنٹ نیوز آف انڈیا کے مطابق جموں کشمیر کی متعدد پڑوسی ریاستوں میں ڈیلٹا وائرس پہنچ گیا ہے ۔ پنچاب اور ہریانہ میں اس وایرنٹ میں مبتلاء متعدد مریضوں کی نشاندہی ہوئی ہے ۔ ادھرہماچل پردیش میں بھی کئی ایک معاملات سامنے ہیںہے جبکہ گجرات میں بھی ڈیلٹا ویرینٹ کی تصدیق کی گئی ہے، وڈوڈرا اور سورت میں ڈیلٹا ویرینٹ کے دو کیسز کی تصدیق کی گئی ہے۔ جن میں ایک مرد اور ایک عورت شامل ہے۔ ان معاملات کے منظر عام پر آنے کے بعد گجرات حکومت چوکس ہوگئی ہے۔دریں اثناء ملک میں کورونا کے یومیہ کیسز 48 ہزار سے بھی کم ہو چکے ہیں، جو ایک اچھی علامت ہے لیکن کورونا کے ڈیلٹا ایڈیشن نے ڈاکٹروں اور حکومت کو پریشان کر دیا ہے۔ ملک میں ڈیلٹا ویرینٹ کے نئے معاملے بڑھتے ہی جا رہے ہیں۔ اب تک ملک میں مجموعی طور پر پچاس سے زیادہ کیس رپورٹ ہوئے ہیں۔ مرکز نے آٹھ سب سے زیادہ متاثرہ ریاستوں کو بھی ایک خط لکھا ہے، جس میں انھیں محتاط رہنے کی صلاح دی گئی ہے۔اب پنجاب اور ہریانہ کے دارالحکومت چنڈی گڑھ میں ڈیلٹا ویرینٹ کا پہلا معاملہ سامنے آیا ہے۔ اس کے علاوہ پنجاب میں دو اور ہریانہ میں بھی اس ویرینٹ کا ایک معاملہ پایا گیا ہے۔پنجاب میں کورونا کیسز کی بات کریں تو گذشتہ چوبیس گھنٹوں کے دوران پنجاب میں 308 نئے کورونا کیسز پائے گئے ہیں اور 15 اموات ہو چکی ہیں جس کی وجہ سے کورونا کیسز کی کل تعداد 5،94،586 تک جا پہنچی ہے جبکہ اموات کی مجموعی تعداد 15،979 تک جا پہنچی ہے۔ وزارت صحت پنجاب کے بلیٹن کے مطابق، پنجاب میں اب مجموعی طور پر 4،376 فعال کیس باقی ہیں۔حکومت گجرات کے محکمہ صحت نے ریاست میں نگرانی شروع کردی ہے۔ گذشتہ 24 گھنٹوں کے دوران گجرات میں کورونا کے 123 نئے کیسز پائے گئے ہیں۔ محکمہ صحت گجرات کے مطابق، کورونا کے اب 4416 فعال کیسز باقی ہیں اور صرف 38 کورونا مریض وینٹی لیٹر پر ہیں۔