مثبت معاملات میں اضافہ ،ہسپتالوں میں آکسیجن کی طلب بڑھی ؛ ہسپتالوں کو معقول آکیسجن کی فراہمی کیلئے ہر ممکن اقدامات اُٹھائے جارے ہیں /حکام

سرینگر/28اپریل: کشمیر کے اسپتالوں میں 1300 سے زیادہ کووڈ متاثرہ افراد داخل ہونے کے بعد یہاں میڈیکل آکسیجن کی طلب میں تیزی سے اضافہ ہوا ہے۔اس ضمن میں ڈپٹی کمشنر سرینگر اعجاز اسد نے کہا کہ سرینگر کے ہسپتالوں میں 20,000ایل ایم پی آکسیجن کی طلب ہے جس میں سے 16,000ایل پی ایم ہسپتالوں میں آکسیجن پلانٹس سے پوری کی جاتی ہے اور بقیہ ہم نجی گیس ایجنسیوں کے ذریعے فراہم کردہ سلینڈروں سے پوری کرتے ہیں۔کرنٹ نیو زآف انڈیا کے مطابق وادی کشمیر میں کووڈ پازیٹو معاملات میں روزانہ اضافہ ہورہا ہے جس کے نتیجے میں ہسپتالوں میں آکسیجن کا مسئلہ درپیش آیا ہے ۔ بحران کا سامنا کرتے ہوئے ، کشمیر میں آکسیجن گیس سپلائی کرنے والی کمپنیاں جو پہلے اپنی میڈیکل آکسیجن گیس کا صرف 40 فیصد اسپتالوں میں سپلائی کرتی تھیں اور باقی 60 فیصد صنعتی شعبے کو فراہم کر رہی ہیں۔ ذرائع نے بتایا کہ انہوں نے مطالبہ کو پورا کرنے کے لئے کشمیر ڈویژن کے سرکاری اسپتالوں میں کی ضرورت کو پورا کرنے کیلئے صدفیصد آکیسجن ہسپتالوں کو فراہم کرنے کاسلسلہ شروع کیا ہے ۔ آکسیجن گیس پلانٹ کے مالک محمد شفیع نے بتایا اسپتالوں میں آکسیجن سلنڈروں کی طلب میں کئی گنا اضافہ ہوا ہے۔ ہم روزانہ 650 آکسیجن سلنڈر ایس کے آئی ایم ایس کو ، 450 گیس سلنڈروں کو ایس ایم ایچ ایس کو اور 50 سلنڈروں کو جے وی سی اسپتال میں فراہم کررہے ہیں۔ اس سے دو ہفتے قبل ہم ایس کے آئی ایم ایس کو ایک دن میں صرف 200 سلنڈر اور ایس ایم ایچ ایس کو 100-150 سلنڈر فراہم کررہے تھے۔انہوں نے کہا کہ انہوں نے کشمیر ڈویڑن میں کوروناوائرس معاملات میں تیزی کے بعد صنعتی یونٹوں کو ہونے والی تمام فراہمی بند کردی ہے۔ایک اور پلانٹ کے مالک نوید ٹاک نے بتایا کہ وہ اسپتالوں میں میڈیکل آکسیجن کی فراہمی کے لئے اپنی پوری کوشش کررہے ہیں۔’’ہمارے پاس ایک دن میں 1200 آکسیجن سلنڈر سپلائی کرنے کی گنجائش ہے۔ ہم پوری کوشش کر رہے ہیں اس بات کا یقین کرنے کے لئے کہ مریضوں تک آکسیجن پہنچے۔ ہم اپنی صلاحیت کو بڑھانے کی کوشش کر رہے ہیں۔ لیکن لوگوں کو سمجھنا چاہئے کہ انہیں کووڈ سے متعلق ہیلتھ گائیڈ لاینوں پر عمل کرنا ہوگا۔اس ضمن میں ڈپٹی کمشنر سرینگر اعجاز اسد نے کہا کہ سرینگر کے ہسپتالوں میں 20,000ایل ایم پی آکسیجن کی طلب ہے جس میں سے 16,000ایل پی ایم ہسپتالوں میں آکسیجن پلانٹس سے پوری کی جاتی ہے اور بقیہ ہم نجی گیس ایجنسیوں کے ذریعے فراہم کردہ سلینڈروں سے پوری کرتے ہیں۔ مرکزی حکومت نے گزشتہ روز زندگی بچانے والی گیس کی شدید قلت کے پیش نظر ، صنعتی مقاصد کے لئے ’’مائع آکسیجن‘‘ کے استعمال پر مکمل طور پر پابندی عائد کردی ، کیونکہ وزارت داخلہ امور (ایم ایچ اے) تمام ریاستوں اور مرکزی خطوں سے بات چیت کے دوران۔ ، واضح کر دیا کہ اس شے کے استعمال کے سلسلے میں کسی بھی صنعت کو کسی بھی رعایت کی اجازت نہیں ہے۔