پاکستانی وزیر اعظم عمران خان کا سوشل اکاوئنٹ پر ٹویٹ؛ تنازعہ کشمیر کے حل کیلئے بھارت ایک قدم بڑھائے گا ہم دو قدم چلیں گے

سرینگر/06 فروری/سی این آئی// پاکستان کے وزیر اعظم عمران خان نے سماجی ویب سائٹ ٹویٹر پر ٹویٹ کرتے ہوئے لکھا ہے کہ پاکستان اپنے پڑوسی ممالک کے ساتھ بہتر تعلقات چاہتا ہے تاہم اس کیلئے ضروری ہے کہ سامنے سے بھی مثبت سوچ ہو۔ پاکستان کے وزیر اعظم عمران خان نے ہندوستان سے مسئلہ کشمیر کے حل کے لئے ماحول بنانے کو کہا ہے۔ انہوں نے کہا کہ اگر ہندوستان کشمیرتنازعہ کا انصاف پر مبنی حل کے لئے سنجیدگی دکھائے تو ہم امن کے لئے دو قدم آگے بڑھنے کو تیار ہیں۔کرنٹ نیوز آف انڈیا مانیٹرنگ کے مطابق پاکستانی وزیر اعظم عمران خان نے کہا کہ اگر بھارت مسئلہ کشمیر کے حل میں سنجیدگی دکھائے تو پاکستان دو قدم آگے چلنے کیلئے تیار ہے ۔ پاکستان کے وزیر اعظم عمران خان نے الزام لگایا کہ ہندوستان کشمیریوں پر ظلم کر رہا ہے۔ عمران خان نے ٹوئٹ کرکے کہا کہ پاکستان برصغیر میں ہمیشہ سے ہی امن کے لئے کھڑا رہا ہے، لیکن اس کے لئے ماحول بنانے کی ذمہ داری ہندوستان کی ہے۔ انہوں نے کہا کہ اگر ہندوستان اقوام متحدہ کی تجاویز کے مطابق کشمیر موضوع کے انصاف پر مبنی حل کے لئے سنجیدگی دکھائے تو ہم امن کے لئے دو قدم آگے بڑھنے کو تیار ہیں۔عمران خان نے کہا کہ کشمیر کے استحکام کے لئے پاکستان کی امن کی خواہش کو کمزوری نہیں سمجھا جانا چاہئے۔ انہوں نے دعویٰ کیا کہ یہ ایک ملک کے طور پر ہماری طاقت اور خود اعتمادی ہے، جو ہم دو قدم آگے بڑھنے کو تیار ہیں تاکہ کشمیری لوگوں کے قانونی عزائم کو پورا کیا جاسکے۔ اس سے پہلے پاکستانی وزارت خارجہ کے ترجمان نے بھی کہا تھا کہ رشتوں کو سازگار بنانے اور معنی خیز بات چیت کے لئے ماحول بنانے کی ذمہ داری ہندوستان کی ہے۔پاکستانی وزیر اعظم عمران خان کا یہ بیان پاکستانی فوج کے سربراہ باجوا کے بیان کے بعد آیا ہے۔ پاکستان کے فوجی سربراہ جنرل باجوا نے منگل کو کہا تھا کہ پاکستان اور ہندوستان کو کشمیر موضوع کو باوقار اور پْر امن طریقے سے حل کرنا چاہئے۔ انہوں نے کہا کہ پاکستان اور ہندوستان کو جموں وکشمیر کے موضوع کو جموں وکشمیر کے لوگوں کی امیدوں کے مطابق، باوقار اور پْرامن طریقے سے حل کرنا چاہئے۔پاکستانی فوج کے سربراہ جنرل باجوا نے کہا کہ پاکستان ایک پْرامن ملک ہے، جس نے علاقائی اور عالمی امن وامان بنانے کے لئے بہت بڑی قربانیاں دی ہیں۔ انہوں نے کہا، ’ہم مکمل احترام اور پْرامن بقائے باہمی کے راستے پر چلنے کو لے کر پابند عہد ہیں۔ اب تمام جانب امن کا ہاتھ بڑھانے کا وقت ہے’۔ ساتھ ہی انہوں نے یہ بھی کہا کہ امن کی خواہش کو کوئی کمزوری نہ سمجھے۔ پاکستان کی فوج کسی بھی خطرے کو ختم کرنے کی صلاحیت رکھتی ہے اور تیار ہے۔