موسم میں بہتری آنے لگی تاہم سورج بادلوں سے باہر نہ نکل پایا ، دن میں شدید سردی کی لہر جاری

مغل روڑ اور سرینگر لہہہ شاہراہ سمیت متعدد رابطہ سڑکیں ہنوز بند ، ابھی تک رابطہ بحال نہیںہوسکا

سرینگر/10دسمبر/سی این آئی// پیر پنچال کے آر پاربالائی علاقوں میں برفباری اور میدانی علاقوں میں بارشوں کے بعد موسمی صورتحال میں بہتری آئی جس کے نتیجے میں لوگوں نے راحت کی سانس لی ۔ ادھر شہر سرینگر سمیت وادی کے دیگر اضلاع میں جمعرات کو بھی آسمان پر بادل چھا رہنے کے باعث سردی کی لہر جاری رہے تاہم رات کے درجہ حرارت میںکافی حد تک بہتری آئی ہے ۔ اسی دوران محکمہ موسمیات نے آئندہ دو روز تک موسمی صورتحال خوشگوار رہنے کی پیشگوئی کرتے ہوئے 12دسمبر سے برفباری اور بارشوں کے اگلے مرحلہ شروع ہونے کا امکان ظاہر کیا ہے ۔ سی این آئی کے مطابق تین روز تک خراب موسمی صورتحال کے بعد جمعرات کو بارشوںکا سلسلہ تھم گیا تاہم موسم آبر الود ہی رہا۔تین دنوں تک شہر سرینگر سمیت وادی کے دیگر علاقوں میں ہلکی سے درمیانی درجے کی بارشیں ہوئی ۔ پہاڑی علاقوں میں برف باری اور میدانی علاقوں میں بارشوں کے بعد جمعرات کی صبح سے ہی موسم میں بتدریج بہتری آنے کا سلسلہ شروع ہوئی ۔ موسم میں بہتری آنے کے ساتھ ہی اگرچہ سورج نے بادلوں سے نکالنے کی کئی بار کوشش کی تاہم ایسا ممکن نہیں ہو سکا ۔ بارشوں اور برفباری کا سلسلہ تھم جانے کے ساتھ ہی سردی کی لہر میں بھی کمی آئی اور لوگوں نے راحت کی سانس لی ۔ ادھر شہر آفاق گلمرگ اور پہلگام میں برفباری کے نتیجے میں دنوں مقامات پر شبانہ درجہ میں کافی تنزلی دیکھنے کو ملی اور رات کا درجہ حرارت منفی میں ریکارڈ کیا گیا ۔ ادھر سرینگر میں مقیم محکمہ موسمیات کے صوبائی ناظم سونم لوٹس نے بتایا کہ وادی کشمیر میں اگلے دو دنوں تک موسم مجموعی طور پر خشک ہی رہے گا۔تاہم ان کا کہنا تھا کہ اس دوران پہاڑی علاقوں میں کہیں کہیں ہلکی سے درمیانی درجے کی بارشیں یا برف باری متوقع ہے۔محکمہ موسمیات کے مطابق 12دسمبر کے بعد وادی کشمیر میں پھر سے موسمی صورتحال آنے کا امکان ہے اور برفباری اور بارشوں ہو سکتی ہے ۔ قابل ذکر ہے کہ پیر پنچال کے آر پار مسلسل تین دنوں تک خراب موسمی صورتحال ریکارڈ کی گئی جس دوران بالائی علاقوں میں برفباری اور میدانی علاقوں میں بارشوں ہوئی۔ ادھر موسمی صورتحال میں بہتری آنے کے باوجود بھی وادی کے دور دراز علاقوں میں رابطہ سڑکیں ہنوز بند پڑی ہوئی ہے جس کے نتیجے میں بیشتر علاقوں کا رابطہ منقطع ہو گیا ہے اور لوگ گھروں میں ہی محصور ہے ۔ ادھر موسمی صورتحال میں بہتری آنے کے باوجود بھی تاریخی مغل روڑ پر جمعرات کو مسلسل ٹریفک کی آمد رفت بند رہی۔