سخت سیکورٹی انتظامات کے بیچ ڈی ڈی سی و بلدیاتی انتخا بات کا پانچویں مرحلہ بھی اختتام پذیر

پانچویں مرحلے کے انتخابات میں مجموعی طور پر قریب 47فیصد ی پولنگ ریکارڈ، شوپیان میں سب سے کم ووٹ پڑے

سرینگر/10دسمبر: یخ بستہ ہوائیوں و شدید ترین ٹھنڈ اور سخت ترین سیکورٹی انتظامات کے بیچ جموںکشمیر میں ضلع ترقیاتی کونسل اور بلدیاتی وضمنی انتخابات کے پانچوں مرحلے کے تحت جمعرات کو ووٹ ڈالیں گئے ۔ جمعہ کی صبح سے ہی کہیںپولنگ مراکز پر لوگوں کی کافی بھیڑ دیکھنے کو ملی جنہوںنے اپنے ووٹ کا استعمال کیا ۔ مجموعی طور پر پانچوں مرحلے کیلئے 47فیصد سے زائد ووٹ پڑے ۔ ادھر حکام نے جمعرات کو بتایا کہ ضلع ترقیاتی کونسل انتخابات کے پانچویں مرحلے میں جموں کشمیرکے اندر دن کے ایک بجے تک 43.27 فیصد ی ووٹنگ ہوئی ۔انتخابات کے پانچویں مرحلے کے تحت جموں و کشمیر کے280 ڈی ڈی سی حلقہ ہائے انتخاب میں سے کل 37 حلقہ ہائے انتخاب کیلئے ووٹ ڈالے گئے ۔جن میں سے صوبہ کشمیر کے 17 ڈی ڈی سی حلقہ ہائے انتخاب کیلئے 155 اُمیدوار میدان میں ہیں جن میں 30 خواتین بھی شامل ہیں جبکہ جموں صوبے کے 20 حلقہ ہائے انتخاب میں 144 اُمیدوار میدان میں ہیں جن میں 40 خواتین اُمیدوار ہیں ۔ سی این آئی کے مطابق سخت ترین سیکورٹی انتظامات اور شدید ٹھنڈ کے چلتے ڈی ڈی سی انتخابات کیلئے جموں کشمیر میں جمعرات کو پانچویں مرحلے کے تحت ووٹ ڈالیں گے ۔جموں و کشمیر میں ڈسٹرکٹ ڈیولپمنٹ کونسل (ڈی ڈی سی) اور پنچایتی و بلدیاتی ضمنی انتخابات کے پانچوں مرحلے کی پولنگ کا عمل صبح سات بجے سے شروع ہو کر دن کے دو بجے اختتام پذیر ہوگئی۔پانچویں مرحلے میں جموں و کشمیر کے 280 ڈی ڈی سی حلقہ ہائے انتخاب میں سے 37 حلقہ ہائے انتخاب کیلئے ووٹ ڈالیں گے ۔ان میں سے صوبہ کشمیر کے 17 ڈی ڈی سی حلقہ ہائے انتخاب کیلئے 155 اُمیدوار میدان میں ہیں جن میں 30 خواتین بھی شامل ہیں جبکہ جموں صوبے کے 20 حلقہ ہائے انتخاب میں 144 اُمیدوار میدان میں ہیں جن میں 40 خواتین اُمیدوار ہیں ۔پانچویں مرحلے کیلئے 2104 پولنگ سٹیشنوں میں سے 1193 حساس ترین ، 472 حساس اور 439 عام زمروں کے تحت لائے گئے تھے ۔ جبکہ 2104 پولنگ سٹیشنوں میں سے 271 پولنگ سٹیشنوں میں سرپنچ خالی نشستوں اور 229 پولنگ سٹیشنوں میں پنچ خالی نشستوں کیلئے بھی ووٹ ڈالے گئے ۔انتظامیہ نے انتخابات کے آسان اور پر امن انعقاد کو یقینی بنانے کے لئے تمام تر انتظامات کو حتمی شکل دی تھی۔ پولنگ مراکز کے اندر اور آس پاس سکیورٹی کے سخت بندوبست کیے گئے تھے۔ وہیں متعلقہ پولنگ عملے کو بھی پولنگ مراکز کی طرف ضروری سازوسامان کے ساتھ پہلے ہی روانہ کیا گیا تھا۔جمعرات کی صبح سے ہی پولنگ بوتھوںپر لوگوں کی بھیڑ دیکھنے کو ملی ، پولنگ مراکز پر رائے دہند گان کی لمبی لمبی قطاریں دیکھنے کو ملیں ،جو شدید ٹھنڈ کے باوجود پولنگ مراکز پر رائے دہی کا استعمال کرنے کے لئے اپنی باری کا انتظار کرتے ہوئے دیکھے گئے ۔اننت ناگ ،پلوامہ ،شوپیان ،کولگام ،کپوارہ ،بارہمولہ ،بانڈی پورہ ،گاندر بل ،بڈگام ،کٹھوعہ ،ریاسی ،رام بن ،کٹھوعہ ،سانبا ، جموں ،راجوری اور پونچھ اضلاع میں رائے دہی کے دوران کافی گہماگہمی دیکھنے کو ملی ۔انتخابی عمل کے احسن انعقاد کے لئے سیکورٹی کڑے انتظامات کئے گئے جبکہ حساس علاقوں میں ڈرونز کے ذریعے بھی نگرانی کی گئی ۔اس کے علاوہ کووڈ ۔19کے پیش نظر رائے دہندگان کی پولنگ مراکز پر تھرمل جانچ بھی کی گئی جبکہ پولنگ عملے نے بھی وبا سے محفوظ رہنے کے لئے خاص فیس ماسک ،شیلڈ اور دیگر چیزوں کا استعمال کیا ۔ ادھر حکام کے مطابق جموں و کشمیر میں ضلع ترقیاتی کونسل انتخابات کے پانچویں مرحلے میں جمعرات کو دن کے ایک بجے تک 43.27 فیصد ی ووٹنگ ہوئی ۔سرکاری اعداد و شمار کے مطابق مطابق کشمیر صوبے میں دن کے ایک بجے تک پلوامہ میں 7.20فیصد،، بارہمولہ 37.84، کولگام 23.31 ، شوپیاں میں 3.74 ، اننت ناگ 18.12، بانڈی پورہ 49.78 ، گاندربل نے 28.91 ، کپواڑہ میں 37.38اور بڈگام میں40فیصدی جبکہ اسی طرح جموں ڈویڑن میں کشتواڑ میں 58.96 ، ادھم پور 55.74 ، جموں 52.61 ، کٹھوعہ 53.97 ، رام بن میں57.36 ، ڈوڈامیں 59.72، سانبہ میں57.47 ، پونچھ میں 59.10 ، راجوری میں 64.54 اور یاسی میں 56.82ووٹنگ ریکارڈ ہوئی ۔ مجموعی طور پر پانچوں مرحلے کیلئے 47فیصد سے زائد ووٹ پڑے ۔