منشیات کے خلاف جموں کشمیر پولیس کی مہم جاری ؛ پولیس نے 51کلو منشیات اور 30ہزار نقدی ضبط کرلی

سرینگر/23نومبر: پولیس نے جموں میں منشیات سمگروں کے قبضے سے بڑی مقدار میں منشیات اور نقدی ضبط کرلی ہے ۔ جبکہ پولیس نے کہا ہے کہ وہ منشیات کے خلاف مہم جاری رکھے ہوئے ہیں ۔ کرنٹ نیوز آف انڈیا کے مطابق جموں میں پولیس نے سمگلروںسے 51کلو فکی اور نقدی 30ہزار روپے برآمد کرلئے ہیں۔ ذرائع سے معلوم ہوا ہے کہ پولیس پارٹی نے نروال میں ایک شخص گرمیت سنگھ ساکن کرن باغ گڑھی گر جموں کو روکا جو کہ ایک ٹرک میں سوار تھا ۔ اس دوران تلاشی کے بعد اس کے قبضے سے 51کلو فکی اور نقدی 30ہزار روپے برآمد کرلئے گئے ۔ پولیس نے اس سلسلے میں ایک کیس زیر نمبر 315/2020 U/S 8/15/25 NDPSدرج کرلیا ہے ۔ اس دوران پولیس نے کہا ہے کہ جموں کشمیر پولیس کی منشیات مخالف جاری ہے اور اس کی سمگلنگ میں ملوث کسی بھی شخص کو بخشانہیں جائے گا۔