26نومبر ممبئی حملے میں پاکستانی تخریب کار ملوث تھے؛ پاک تحقیقاتی ایجنسی اے آئی ایف کا بڑا انکشاف

سرینگر/12نومبر/سی این آئی// پاکستان کی وفاقی تحقیقاتی ایجنسی (FIA) نے اعتراف کیا ہے کہ ہندوستان کی اقتصادی دارالحکومت ممبئی میں ہوئے 26/11 حملے میں پاکستان کے تخریب کاروں کا ہاتھ تھا۔ ایف آئی نے اس بات کا اعتراف کرلیا ہے کہ ممبئی واقع تاج ہوٹل (Taj Hotel) پر ہوئے حملوں کو لشکر طیبہ کے 11 تخریب کاروںنے انجام دیا ۔پاکستان نے 26/11 کے حملے میں شامل دہشت گردوں کے خلاف سخت کارروائی کرنے کا فیصلہ کیا ہے۔ اس فیصلے کے تحت پاکستان نے ان دہشت گردوں کو موسٹ وانٹیڈ قرار دے دیا ہے۔ پاکستان کی وفاقی تحقیقاتی ایجنسی (FIA) نے موسٹ وانٹیڈ کی نئی فہرست تیار کی ہے اور اس فہرست میں ممبئی کے حملے میں شامل 11 حملہ آوروں کے نام بھی شامل کئے ہیں۔حملے میں شامل بوٹ خریدنے والے شخص ملتان کے محمد امجد خان ابھی ملک میں ہیں، اس بات کا پاکستان نے اعتراف کیا ہے۔ اس فہرست میں 26/11 حملوں کو لے کر جانکاری دی گئی ہے کہ تاج ہوٹل میں ہوئے دہشت گردانہ حملے کو انجام دینے والی کشتی میں 9 کرو ممبرس تھے۔واضح رہے کہ 26 نومبر 2008 کو دہشت گردوں نے ممبئی کے تاج ہوٹل سمیت 6 مقامات پر حملہ کردیا تھا۔ حملے میں تقریباً 160 لوگوں نے اپنی جان گنوائی۔ سب سے زیادہ لوگ چھترپتی شیوا جی ٹرمنل میں مارے گئے۔ جبکہ تاج محل ہوٹل میں 31 لوگوں کو حملہ آوروںنے اپنا شکار بنایا تھا۔