منشیات کے خلاف پولیس کی مہم میں تیزی ؛سرینگر میں منشیات فروش گرفتار ، ممنوعہ ادویات ضبط

سرینگر/02نومبر: سرینگر پولیس نے منشیات کے خلاف آپنی کاروائی جاری رکھتے ہوئے ایک بدنام زمانہ منشیات فروش کو گرفتارکیا اس کے قبضے سے ممنوعہ نشیلی و ادویات اور نقدی 70,650 برآمد کرکے ضبط کی ۔ سی این آئی کے مطابق سرینگر پولیس نے شہید گنج سرینگر علاقے میں ایک بد نام زنامہ منشیات فروش کو گرفتارکر کے پولیس اسٹیشن شہید گنج منتقل کر دیا جہاں پر وہ حراست میں ہے ۔ اس کی شنا خت نواز احمد شیخ عرف پاتا ولد محمد اکرم شیخ ساکن دودھ گنگا ناللہ بالگارڈن سرینگر کے طور پر ہوئی۔اس کے قبضے سے ممنوعہ نشیلی دورائی Alprazolam 2550 tablets نقدی 70,650 برآمد کرکے ضبط کی۔ سرینگر پولیس نے اس سلسلے میں پولیس شہید گنج میں کیس زیر ایف ائی آر نمبر 135/2020 متعلقہ دفعات کے تحت اندراج کر کے مزید تحقیقات شروع کی ۔ پولیس کی طرف سے عوالناس سے گزارش ہے کہ وہ اپنے پڑوس میں منشیات فروشوں سے متعلق کسی بھی معلومات کے ساتھ آگے آئیں۔ منشیات کی خریدو فروخت میں ملوث افراد کے خلاف قانون کے مطابق کارروائی کی جائے گی، تاکہ معاشرے کو اس وباہ سے پاک و صاف رکھا جائے۔