تواریخی گھنٹہ گھر پر ترنگا لہرانے کی کوشش ناکام ، کپواڑہ کے تین بی جے پی کارکن گرفتار : کہا محبوبہ مفتی اور دوسرے ممبران کو پیغام دینا چاہتے ہیں کہ کشمیر کے اندر صرف ترنگا ہی لہرائے گا

سرینگر/26اکتوبر/: لال چوک سرینگر میں تواریخی گھنٹہ گھر پر شمالی ضلع کپواڑہ سے تعلق رکھنے والے بی جے پی کارکنوں کی جانب سے ترنگا لہرانے کی کوشش کو پولیس نے ناکام بناتے ہوئے تین بھاجپا کارکنوں کو حراست میںلیا ۔ ترنگا لہرانے کی کوشش کے دوران بھاجپا کارکنوں نے کہا کہ ہم ’’محبوبہ مفتی اور ’عوامی اتحاد‘ کے دوسرے ممبران کو یہ پیغام دینا چاہتے ہیں کہ کشمیر کے اندر صرف ترنگا ہی لہرائے گا‘‘۔سی این آئی کے مطابق سرینگر کے لالچوک علاقے میں سوموار کی اعلیٰ صبح اس وقت بی جے پی کے حق میں نعرہ بازی ہوئی جب شمالی ضلع کپواڑہ سے تعلق رکھنے والے تین بی جے پی کارکنوں نے لالچوک میں گھنٹہ گھر پر ترنگا لہرانے کی کوشش کی تاہم پولیس نے ان کی کوشش ناکام بنائی ۔ ذرائع سے معلوم ہوا ہے کہ گھنٹہ گھر کے قریب اعلیٰ صبح تین بی جے پی کارکن نمودار ہوئے جنہوں نے بی جے پی کے حق میں نعرہ بازی کی اور گھنٹہ گھر پر ترنگا لہرانے کی کوشش کی تاہم پولیس نے بر وقت کارورائی کرتے ہوئے ان کی کوشش ناکام بنائی او ر تینوں کو حراست میں لیا ۔ گرفتار ہونے والے تین بھاجپا کارکنوں کی شناخت میر بشارت،میر اشفاق اور اختر خان کے طور کی گئی ہے۔گرفتاری کے دوران تینوں بی جے پی کارکنوں کا کہنا تھا کہ کہ وہ لالچوک اس غرض سے آئے تھے کہ وہاں ترنگا لہرائیں۔بشارت نے کہا’’ہم محبوبہ مفتی اور ’عوامی اتحاد‘ کے دوسرے ممبران کو یہ پیغام دینا چاہتے ہیں کہ کشمیر کے اندر صرف ترنگا ہی لہرائے گا‘‘۔جس کی ویڈیو سوشل میڈیا پر وائرل ہو گئی ہے ۔ تاہم پولیس فوری طور پر حرکت میں آکر تینوں بھاجپا کارکنوں کو گرفتار کرکے پولیس سٹیشن کوٹھی باغ پہنچایا۔