سنڈے مارکیٹ گزشتہ 4ماہ سے مسلسل بند ،تاجروں کو کروڑوں کا نقصان ، اہلخانہ فاقہ کشی پر مجبور

سرینگر/27جنوری: وادی کا معروف اتوار بازار(سنڈے مارکیٹ ) کووڈ19کی وجہ سے گزشتہ4 ماہ سے مسلسل بند ہے ٹی آر سی ڈلگیٹ سے لیکر مہاراجہ بازار اور ہری سنگھ ہائی سٹریٹ تک سڑک آج بھی سنسان دکھائی دی اور سنڈے مارکیٹ میں اُلو بولتے رہے۔اس بیچ سنڈے مارکیٹ میں چھاپڑیاں اور ریڈے لگانے والو ں نے کہا ہے کہ سنڈے مارکیٹ مسلسل بند رہنے کی وجہ سے ان کو شدید مالی دشواریاں پیش آرہی ہے اور ان کا عیال فاقہ کشی کی کگار پر پہنچ گیا ہے اسلئے ایل جی انتظامیہ سے اپیل کی ہے کہ انہیں عید الاضحی کے پیش نظر مارکیٹ میں بیٹھنے کی اجازت دی جائے انہوںنے کہا کہ ہم لوگ ایس او پی پر پوری طرح سے عمل در آمد کریں گے ۔ کرنٹ نیوز آف انڈیا کے مطابق کووڈ 19کی وجہ سے جہاں پوری دنیا میں تمام کاروباری اور دیگر سرگرمیاںمعطل رہیں تاہم لاک ڈاون دھیرے دھیرے ختم کیا گیا اور معمول کی سرگرمیاں پھر سے بحال کی گئیں جبکہ وادی کشمیر میں بھی مشروط کاروباری سرگرمیاں بحال کی گئی تھیں لیکن کوروناوائرس کے معاملات میں مسلسل اضافہ کی وجہ سے انتظامیہ نے ایک بار پھر وادی میں لاک ڈاون سخت کردیا ۔ اور سنڈے مارکیٹ بھی بدستور بند ہے جس کے نتیجے میں سنڈے مارکیٹ سے جڑے افراد کافی پرمالی مشکلات سے دوشار ہوچکے ہیں ۔ سی این آئی کے ساتھ بات کرتے ہوئے کئی تاجروں نے جو سنڈے مارکیٹ میں چھاپڑیاں لگاتے تھے نے کہا ہے کہ سنڈے مارکیٹ مسلسل گزشتہ 4ماہ سے بند پڑا ہے اور اب پانچواں ماہ بھی شروع ہونے والا ہے تاہم سرکار کی جانب سے سنڈے مارکیٹ دوبارہ کھولنے کیلئے ابھی تک کوئی بھی اقدام نہیں اُٹھایا گیا ہے ۔ انہوںنے کہاکہ سنڈے مارکیٹ بند رہنے کے نتیجے ایک طرف ان کے اہلخانہ فاقہ کشی پر مجبور ہوچکے ہیں تو دوسری طرف لاکھوں روپے مالیت کا سامان بھی اب خراب ہونے لگا ہے ۔ انہوںنے کہا کہ سنڈے مارکیٹ میں زیادہ تر کپڑے کی اشیاء ہی فروخت ہوتی ہے اور کپڑے کو کئی ماہ تک گوداموں میں بند رکنے سے وہ اب خراب ہوچکا ہے اسی طرح دوسری اشیاء جو یہاں فروخت ہوتی تھی بھی خراب ہورہی ہے ۔ انہوںنے کہا کہ گزشتہ برس 2019اگست ماہ میں دفعہ 370کے خاتمہ کے بعد قریب ایک ماہ تک سنڈے مارکیٹ مسلسل بند رہا تھا تاہم دھیرے دھیرے اُس وقت مارکیٹ پھر کھل گیا لیکن اب یہ بازار گزشتہ چار ماہ سے مسلسل بند پڑا ہے ۔ انہوںنے کہا کہ اس مارکیٹ سے لاکھوں افراد کا روزگار جڑا ہے ۔ انہوںنے سرکار سے اپیل کی ہے کہ عید الاضحی کے پیش نظر سنڈے مارکیٹ کو عید تک کھولنے کی اجازت دی جاتے تاکہ اس مارکیٹ سے جڑے لوگ بھی عید پر کچھ کمائی کرسکیں۔ انہوںنے کہاکہ اگر کل 28جولائی سے کاروباری سرگرمیاں اور دکانیں کھل جاتی ہیں تو انہیں بھی سنڈے مارکیٹ کھولنے کی اجازت دی جانی چاہئے ۔