وادی کشمیر میں کورنا وائرس کے کیسوں میں اضافہ؛عید الاضحیٰ کے موقع پر مسجدیں اور خانقاہیں بند رہیں گی/ صوبائی انتظامیہ

سرینگر/27جنوری: وادی کشمیر میں کورنا وائر س کے بڑھتے پھیلائو کے پیش نظر صوبائی انتظامیہ نے عیدالاضحی کے موقع پر مسجدیں اور خانقاہیں عید کی نماز کیلئے بند رکھنے کا فیصلہ کیا ہے ۔ سی این آئی کے مطابق صوبائی انتظامیہ نے کورونا وائرس کے پیش نظر آنے والی عید الاضحی کے موقع پر کسی بھی اجتماع کو اجازت نہیں دینے کا فیصلہ کیا ہے۔ تاہم عید کی آمد کے سلسلے میں موجودہ پابندیوں کو تین دن یعنی 28سے 30جولائی تک کم کیا جائے گا۔ذرائع سے معلوم ہوا ہے کہ یہ فیصلہ صوبائی کمشنر کشمیر پی کے پولے کی صدارت میں منعقدہ ایک میٹنگ کے دوران لیا گیا جس میں اس حوالے سے تمام سٹیک ہولڈرز کے ساتھ بات کی گئی ہے۔اجلاس میں فیصلہ لیا گیا کہ انتظامیہ کی جانب سے22سے 2جولائی تک نافذ کی جانے والی کووڈ 19 کے پیش نظر موجودہ پابندیوں میں 28 جولائی سے 30 جولائی تک نرمی کی جائے گی۔ تاہم اجتماعی عید کی نماز کے لئے مساجد اور خانقاہوں کو بند رکھا جائے گا۔عید سے قبل کچھ روز تک پابندیوں میں نرمی برتی جائے گی تاکہ لوگ عید کے لئے ضروری سامان کی خرید و فروخت کر سکیں۔ اس دوران یہ بھی فیصلہ لیا گیا ہے کہ مسافروں کے لئے آٹو یا نجی گاڑیوں کے علاوہ کسی بھی عوامی آمدورفت کو مذکورہ دنوں میں سڑکوں پر چلنے کی اجازت نہیں ہوگی۔ذرائع کے مطابق28 سے 30 جولائی تک مارکیٹ کھولنے کے حوالے سے ڈپٹی کمشنران سے کہا گیا ہے کہ وہ ایس او پی اور کووڈ 19 کے رہنما خطوط کے مطابق ان دنوں مقامی سطح پر اس کی اجازت دے سکتے ہیں۔ان سے یہ بھی کہا گیا ہے کہ سے کہ وہ مناسب جگہوں کی نشاندہی کریں جہاں قربانی کے لئے جانوروں کو حکومت اور باشعور عوام کی طرف سے پہلے سے طے شدہ مقامات پر مذکورہ دنوں میں دستیاب رکھا جائے۔اس دوران یہ بھی کہا گیا کہ قربانی کے جانوروں کی قلت پرقابو پانے کے لئے مغل روڈ کو خصوصی طور پر اس مقصد کے لئے کھولا جائے گا۔