کشمیر میں مزید 20افراد کے کورنا وائرس ٹیسٹ مثبت، مریضوں کی تعداد 454تک پہنچ گئی

مسلسل پانچویں جمعہ کو بھی مساجد کے ممبر و محراب خاموش ، لوگوں نے گھروں میں ہی نماز ادا کی

سرینگر/24اپریل: کشمیر میں مزید 20افراد کے کورنا وائرس ٹیسٹ مثبت آنے کے بعدمریضوں کی تعداد 454تک پہنچ گئی ۔ اسی دوران لاک ڈائون کے چلتے جموں وکشمیر کے13اضلاع میں واقع 92ریڈ زون والے علاقوں میں لاک ڈاون مزیدسخت کردیا گیا ہیجبکہ عالمی وبائی بیماری کوروناوائرس بڑھتے پھیلائو کے بیچ لاک ڈاون کے 37ویں روز بھی وادی کشمیر میں معمولات زندگی درہم برہم ہوکے رہ گئیں ۔اس دوران وادی کے حساس مقامات کے علاوہ شہر خاص و لالچوک کے گردونواح میں حفاظت کے سخت انتظامات کئے گئے جبکہ مسلسل پانچویں جمعہ بھی مساجد میں نماز ادا کرنے کی اجازت نہیں دی گئی اور لوگوں نے جمعہ کی نماز گھروں میں ہی ادا کی ۔سی این آئی کے مطابق جموں کشمیر میں کورنا وائرس کے کیسوں میں ہر گزرتے دن کے ساتھ اضافہ دیکھنے کو ملتا ہے ۔کشمیر میں کورونا مریضوں کی تعداد میں مسلسل اضافہ ہورہا ہے اور جمعہ کے روز 20ٹیسٹ رپورٹ مثبت ثابت ہوئے ہیں۔جموں کشمیر میں کورونا وائرس کے 20نئے مثبت کیسزسامنے آئے ہیں۔ بتایا جاتا ہے کہ سکمز صورہ میں مزید 20مریضوں کے کورنا وائرس ٹیسٹ مثبت آئے جس کے ساتھ ہی جموں کشمیر میںمریضوں کی تعداد 454تک پہنچ گئی۔ اسی دوران معلوم ہوا ہے کہ جمعہ کو مثبت آنے والے کیسوں میں ضلع شوپیان سے 05، بانڈی پورہ سے09، کپواڑہ سے چار ، اور بارہمولہ سے 2 مریض ہے ۔ادھروادی کشمیر میں کورنا وائرس کے مریضوں میں اضافہ کے بیچ لاک ڈائون بھی سختی سے نافذ ہے اور بھارت بھر کے ساتھ ساتھ وادی کشمیر میں بھی آج لاک ڈاون پر مکمل عمل درآمد ہوا جس کے نتیجے میں وادی کشمیر میںمعمولات زندگی بُری طرح سے متاثر ہوئی ہے جبکہ وادی میں حساس علاقوں کے ساتھ ساتھ شہر خاص میں سخت بندشیں عائد رہیں ۔کورناوئرس کے کیسوںمیں مسلسل اضافہ ہونے کے نتیجے میں اہلیان وادی میں سخت تشویش دور گئی ہے اور لوگوں میں سخت خوف و ہراس پھیل گیا ہے ۔ اس دوران انتظامیہ کی جانب سے بندشوں میں مزید سختی برتی جارہی ہے اور حکم امتناعی کی خلاف ورزی کرنے والوں سے سختی سے نمٹا جارہا ہے ۔اور درجنوں افراد کے خلاف روزانہ کیس دائر کیا جارہا ہے ۔ عالمی وبائی کوروناوائرس کے تیزی کے ساتھ پھیلائو کی وجہ سے ملک بھر کے ساتھ ساتھ وادی کشمیر میں بھی گذشتہ37روز سے مکمل لاک ڈاون جاری ہے جس کے نتیجے میں معمولات زندگی درہم برہم ہے ۔ کورونا وائرس کے پھیلاؤ کی رفتار تیز گام ہونے کے پیش نظر وادی میں مسلسل 37ویں روز بھی سخت لاک ڈاؤن جاری رہا وہیں لوگوں میں بھی خوف وتشویش لہر بھی جاری ہے اور لوگوں میں سخت خوف و ہراس پھیل گیا ہے ۔ لاک ڈاون جاری رہنے کے باوجود بھی وادی میں کوروناوائرس کے کیسوں میں مسلسل اضافہ ہوتا جارہا ہے ۔ انتظامیہ نے کورونا وائرس پر قابو پانے کے لئے درجنوں ان علاقوں، جن سے وائرس کے مصدقہ یا مشتبہ کیسز سامنے آئے ہیں، کو ‘ریڈ زون’ قرار دے کر مکمل سیل کیا ہے اور ان علاقوں کے لوگوں کو اپنے ہی گھروں میں قرنطینہ میں رکھا گیا ہے۔جبکہ پابندی کو مزید سخت کردیا گیا ہے اس کے ساتھ ساتھ کوروناوائرس کو پھیلنے سے بچنے کیلئے حکم امتناعی کی خلاف ورزی کرنے والوں کے خلاف بھی انتظامیہ اور پولیس کی جانب سے کارروائیاں انجام دے رہے ہیں۔ادھرحکام کاکہناتھاکہ بارہمولہ ضلع میں14بانڈی پورہ ضلع میں 12شوپیان ضلع میں8علاقوں کوریڈزون قراردیاگیاجبکہ کپوارہ،بڈگام اورپلوامہ میں فی ضلع سات سات علاقے ریڈزون قراردئیے گئے ہیں راجوری میں 5علاقے جبکہ جموں اوراودھم پور میں بھی چارچار علاقوں کوریڈزون کے دائرے میں لایاگیا،اورساتھ ہی گاندربل ،اننت ناگ اورکولگام کے کچھ علاقوں کوبھی ریڈزون بنایاگیاہے ۔