وادی کشمیر میںاپنی فلم انڈسٹری کا قیام عمل میں لایا جارہا ہے

سرینگر08مارچ : وادی کشمیر میں فلم انڈسٹری کا قیام عمل میں لایاجارہا ہے اس سلسلے میں مقامی ایکٹر، ہدایت کار ،اور پروڈوسروں کے مابین ایک مشترکہ پلیٹ فارم تشکیل دیا جارہا ہے جو مشترکہ طورپر فلم انڈسٹری کے قیام پر کام کریں گے اور دیگر ریاستوں کی طرح جموں کشمیر میں بھی فلمیں بنائی جائیں گی ۔ کرنٹ نیوز آف انڈیا کے مطابق وادی کشمیر کو کسی وقت میں بالی ووٹ فلم انڈسٹری کی سب سے پسندیدہ ڈسٹنیشن تھی جہاں پر سینکڑوں فلموں کی شوٹنگ ہوئی تاہم 1990کے بعد یہاں عسکری تحریک شروع ہونے کے ساتھ ہی بالی ووڈ نے بھی یہاں سے اپنا بوریا بسترہ سمیٹ کر پھر کبھی یہاںکا نام نہیں لیا تاہم سابق وزیر اعلیٰ مفتی محمد سعید اور غلام نبی آزاد کے دور اقتدار میں ان کی کوشوں کے نتیجے میں ایک بار پھر بالی ووڈ کے ستارے کشمیر میں شوٹنگ کی طرف مائل ہوئے تاہم فلم انڈسٹری کے سبھی لوگوں نے یہاں پر شوٹنگ دوبارہ شروع کرنے میں دلچسپی نہیں دکھائی تاہم اس کے باوجود بھی یہاں پر کئی فلموں کی شوٹنگ انجام دی گئی اور کئی گانے یہاںفلمائے گئے جن میں ’’رندہ پوشہ مال‘‘کے علاوہ فلم حیدر کی شوٹنگ بھی یہاں پر کی گئی اس کے علاوہ دیگر کئی فلوں کی شوٹنگ بھی انجام دی گئی تاہم ان فلموں میں کشمیری اداکاروںاور دیگر متعلقین کو اعتماد میں ناہی لیاگیا اور ناہی یہاں کے مقامی اداکاروں کو فلموں میںکوئی خاصا رول دیا گیا جس کے نتیجے میں یہاں کے اداکار، ہدایت کار اور دیگر متعلقین بالی ووڈ سے کافی خفاء دیکھائی دے رہے ہیں اور کشمیر میں اپنی فلم انڈسٹری بنانے کیلئے کمربستہ ہوچکے ہیں ۔ سی این آئی کو باوثوق ذرائع سے معلوم ہوا ہے کہ یہاں کے اداکار، ہدایت کار اور پروڈوسر ایک پلیٹ فارم پر جمع ہورہے ہیں تاکہ فلم انڈسٹری کے کام کو حتمی شکل دی جائے ۔ اس ضمن میں انہوںنے فلم نگری ممبئی میں کئی اہم شخصیات سے بھی بات کی ہے ۔ جو اس سلسلے میں ان کی مدد کریں گے ۔ ایک کشمیری ہدایت کاجنہوںنے کئی بالی ووڈ فلموں میں کام کرنے کے علاوہ ہالی ووڈ میں جگہ بنالی ہے نے کہا ہے کہ دیگر ریاستوں میں جس طرح اپنی اپنی فلم انڈسٹری ہے جیسے تامل فلم انڈسٹری ، بنگلہ فلم انڈسٹری ، پنچاب اور دیگر ساوتھ انڈین فلم بنانے والوں کی اپنی فلم انڈسٹری ہے اسی طرح ہم بھی جموں کشمیر باالخصوص کشمیر میں فلم انڈسٹری بنائیں گے انہوںنے کہاکہ یہاں پر ہمیں فرضی سٹ اپ قائم نہیں کرنا پڑے گابلکہ یہاں کے خوبصورت نظار ے اور پہاڑی اورجنگلاتی علاقے ہونے کے نتیجے میں ہمیں بیک گراونڈ کریٹ نہیں کرنا پڑے گا ۔ انہوںنے کہا کہ اگر ہم اس میں کامیاب ہوں گے تو فلم انڈسٹری میں ہزاروں کی تعداد میں نوجوان لڑکے اور لڑکیاں روزگار حاصل کرسکتے ہیں ۔ انہوںنے اس بات کی امید کا بھی اظہار کیا ہے کہ وہ یوٹی سرکارانہیں اس میں اپنا بھر پور تعاون فراہم کرے گی۔