ہندوستان اور پاکستان کے مابین سخت ترین کشیدگی کے بیج حد متارکہ پر ایک بار پھر گولہ باری

آر پار کئی زخمی ، درجنوں ڈھانچوں کو نقصان ، بالا کوٹ ،مینڈھر کے باشندوں نے گذشتہ رات آنکھوں میں گذاری

سرینگر: ہندوستان اور پاکستان کے مابین جاری کشیدگی اور ہوائی حملوں کے بیچ حد متارکہ پر ایک بار پر آر پار گولہ باری کا شدید تبادلہ ہوا ہے ۔جس کے نتیجے میں اوڑی سیکٹر میں ایک شہری زخمی ہو گیا اور رہائشی ڈھانچوں کو نقصان پہنچ گیا ۔ جس کی وجہ سے دونوں جانب سرحدی آبادی نکل مکانی پر مجبورہوچکی ہے۔ جبکہ زور دار دھماکوں کے نتیجے سرحدی علاقے دہل اُٹھے ہیں ادر پونچھ اور راجوری میں تمام تعلیمی اداروں کو فی الحال بند رکھنے کے احکامات صادر کئے گئے ہیں۔ادھر ہندپاک افواج کے مابین کراس ایل اور سی گولی باری کے نتیجے میں بالا کوٹ ،مینڈھر کے باشندوں نے گذشتہ رات آنکھوں میں گذاری جبکہ گولی باری کی وجہ سے کئی مکانات کو نقصان پہنچ گیا۔کرنٹ نیوز آف انڈیا کے مطابق ہندوستان اور پاکستان کے مابین چل رہی جنگ جیسی صورتحال اور ہوائی حملوں کے بعد دونوں ممالک کے درمیان حد متارکہ پر آج بھی شدیدگولہ باری ہوئی ۔ ہندوستان اور پاکستان کی افواج نے جمعہ کو ضلع پونچھ اور کپواڑہ کے اوڑی سیکٹر میں کنٹرول لائن پر ایک دوسرے پر بھاری فائرنگ کی۔آر پار گولہ باری میں جدید ترین ہتھیاروں کا استعمال کیا جارہا ہے ۔ وزارت دفاع کے مطابق یہ واقعہ کرشنا گھاٹی علاقے میں پیش آیا جہاں پاکستان نے صبح چھ بجے بلا اشتعال فائرنگ کرکے جنگ بندی کی خلاف ورزی کی۔انہوں نے مزید کہا کہ بھارت اور پاکستان کی افواج کے درمیان گولیوں کا تبادلہ سات بجے تک جاری رہا۔دفاعی ذرائع کے مطابق پاکستان کی جانب جنگ بندی معاہدے کی خلاف ورزی کے بعد بھارتی فوج نے بھی پاک فوج کو کرارا جواب دیتے ہوئے پاکستانی فوجی چوکیوں کو نشانہ بناتے ہوئے گولہ باری شروع کی تاہم دونوں جانب ہوئی گولہ باری کے نتیجے میں اوڑی سیکٹر میں ایک عام شہری زخمی ہو گیا ۔ ادھر ہندوستان اور پاکستانی سرحدی علاقوں میں رہنے والے لوگوں نے نکل مکانی شروع کی ہے ۔ معلوم ہوا ہے کہ راجوری ، پونچھ اور دیگر جگہوں سے سرحدی آبادی اپنے گھروں کو چھوڑ کر محفوظ مقامات میں پناہ لینا شروع کردیا ہے ۔ سی این آئی کے مطابق ادھر صوبہ جموں کے ضلع پونچھ اور راجوری میں حد متارکہ نزدیک تمام سکولوں کو بند رکھنے کا انتظامیہ نے احکامات صادر کئے ہیں ۔ادھرہندپاک افواج کے مابین کراس ایل اور سی گولی باری کے نتیجے میں بالا کوٹ ،مینڈھر کے باشندوں نے گذشتہ رات آنکھوں میں گذاری جبکہ گولی باری کی وجہ سے کئی مکانات کو نقصان پہنچ گیا۔بالا کوٹ کے ایک باشندے، جوکنٹرول لائن کے نزدیک رہتا ہے، کے مطابق وہ رات بھر ایک منٹ کیلئے بھی نہیں سو سکے۔مقامی سرپنچ مجید چودھری کے مطابق انہوں نے زندگی میں پہلی بار اتنی شدید کراس ایل او سی مائرنگ سنی ہے۔ذرائع کے مطابق کراس ایل او سی فائرنگ کے نتیجے میں بالا کوٹ کے کلسیان علاقے میں ایک کار اور تین مکانات کو نقصان سے دوچار ہونا پڑا ۔