ہندپاک تناؤ کے بیچ سرحدوں پر شدید گولہ باری اور شلنگ، دونوں ملکوں کے افواج پھر آمنے سامنے

سانبہ میں بی ایس ایف کی جوابی کارورائی میں پاکستان رینجر ہلاک

سرینگر: ہند پاک تناؤ کے بیچ لائین آف کنٹرول پر پاک بھارت ا فواج کے درمیان ایک بار پھر گولیوں کا تبادلہ ہو ا ،جس کے نتیجے میں لائین آف کنٹرول کے آر پار رہائش پذیر لوگوں میں ایک دفعہ پھر تشویش اور خوف و دہشت کا ماحول میں مبتلا ہو گئے ہیں جبکہ جموں کے مختلف سرحدوں علاقوں میں رہائش پذیر لوگوں نے نقل مکان کا سلسلہ دوبارہ شروع کیا ہے۔ادھر بی ایس ایف ذرائع سے معلو م ہوا ہے کہ بھارت کی جوابی کارورائی میں پاکستان کا ایک رینجرہلاک ہو گیا ہے ۔کرنٹ نیوز آف انڈیا کے مطابق لائین آف کنٹرول پر پاک بھارت افواج کے درمیان جنگ بندی معاہدے کی خلاف ورزیوں کا سلسلہ بدستور جاری ہے ۔ دفاعی ترجمان کے مطابق منگل کو ایک بار پھر پاکستانی رینجرس نے راجوری اور پونچھ سیکٹر وں میں فائرنگ کی۔ دفاعی ترجمان کے مطابق پاکستانی رینجرس کی گولہ بھاری کا سختی کے ساتھ جواب دیا گیا تاہم پاکستانی رینجرس کی جانب سے بار بار بھارت کی چوکیوں کو نشانہ بنایا گیا اور فریقین کے در میان رات بھر وقفے وقفے سے گولہ بھاری کا سلسلہ جاری رہا۔ دفاعی ترجمان کے مطابق لائین آف کنٹرول پر تعینات فورسز نے جوابی کاروائی بھی کی جس کے نتیجے میں ایک پاکستانی رینجر ہلاک ہو گیا ہے ۔دفاعی ذرائع سے معلوم ہوا ہے کہ سانبہ سیکٹر میں ہند پاک افواج کے مابین شدید گولی باری کے بعد بی ایس ایف نے بھر پور انداز میں فائرنگ کا جواب دیا جس کے نتیجے میں ایک پاکستانی رینجر ہلاک ہو گیا ۔ اسی دوران بھارت پاکستان فوج کے مابین بندوقوں کے دہانے کھل جانے کے باعث لائین آف کنٹرول کے آر پار رہائش پذیر لوگوں میں پھر فکر وتشویش اور خوف و دہشت کی لہر دوڑ گئی ہے اور بڑی تعداد میں لوگ کھلے آسمان تلے زندگی گزارنے پر مجبور ہو گئے ہیں۔معلوم ہوا ہے کہ جموں کے سانبہ ،کھٹوعہ اور اس کے ملحقہ علاقوں میں سرحدوں کے نزدیک رہائش پذیر بیس ہزار سے زائد لوگوں نے نقل مکان کرکے محفوظ مقامات پر منتقل ہو گئے ہیں۔