ریاستی انتظامی کونسل نے نبارڈ کے تحت شیپ بریڈنگ فارم کھمبر کے بنیادی ڈھانچے کوترقی دینے کو منظوری دی

جموں: گورنر ستیہ پال ملک کی صدارت میں آج یہاں ریاستی انتظامی کونسل کی میٹنگ منعقد ہوئی جس میں نبارڈ کے تحت 35.80کروڑ روپے کی لاگت سے شیپ بریڈنگ فارم کھمبر سری نگر میں ضروری بنیادی ڈھانچے کی تعمیر کو منظوری دی ۔
شیپ بریڈنگ فارم کھمبر میں مویشیوں کی افزائش کے لئے فوڈر کی پیداوار کے علاوہ سٹیٹ آف آرٹ بنیادی ڈھانچہ تیار کیا جائے گا۔
یہاں یہ بات قابل ذکر ہے کہ پشو و بھیڑ پالن محکمہ کو داچھی گام میں ایک شیپ بریڈنگ فارم قائم تھا ۔2017 ء میں داچھی گام میں قائم شیپ بریڈنگ فارم کو غیر منقولہ اثاثے کے ساتھ محکمہ جنگلات و ماحولیات میں منتقل کیا گیا تھا۔