ترال اور اونتی پورہ میں تیسرے روز بھی ہڑتال ، ڈاڈہ سرہ ترال میں فضا سوگوراں

سرینگر؍25 دسمبر : ترال اور اونتی پورہ میں6 جاں بحق جنگجوؤں کی ہلاکت پرماتم جیسا سماں رہا جبکہ اور ملحقہ علاقوں میں ہلاکتوں کیخلاف چوتھے روز بھی مکمل ہڑتال کی وجہ سے معمولات زندگی بری طرح متاثر رہی۔جے کے این ایس کے مطابق علاقے میں ٹرانسپورٹ سڑکوں سے غائب رہا جبکہ ہر طرح کی سرگرمیاں معطل رہیں۔ ہڑتال کے باوجود لوگوں کی ایک بڑی تعداد جاں بحق جنگجوؤں کے گھر تعزیت پرسی کرنے کے لئے دن بھر جا تے رہے۔ 6جنگجوؤں کی ہلاکت کے خلاف قصبہ ترال ،ڈاڈسرہ ،میڈورہ، آری پل ،نور پورہ ، املر،کہلیل،لرگام،نو دل ، ستورہ اوراونتی پورہ کے علاوہ دیگر علاقوں میں مکمل ہڑتال کی گئی۔ترال اور آری پل تحاصیل میں دوکانیں بند رہی جبکہ سڑکوں سے ٹرانسپورٹ غائب رہا۔ تاہم اتوار کوسرکاری چھٹی کی وجہ سے تمام دفاتر اور بینک بھی بند تھے۔جاں بحق جنگجوؤں کی تعزیت کیلئے پلوامہ ،شوپیان، کولگا م،اننت ناگ اور شمالی کشمیر کے کپوارہ سے تعلق رکھنے والے لوگوں کی ایک بڑی تعداد نے نجی گاڑیوں اور موٹر سائیکلوں پر آئے۔واضح رہے کہ ڈاڈسرہ میں ماتم جیسی صورتحال ہے کیونکہ یہاں کے چار جنگجو ایک ساتھ جاں بحق ہوئے۔