ویڈیو: ہم آہنگی کی مثال: اپنی مسلم دوست کی جان بچانے کے لئے کڈنی دینا چاہتی ہے سکھ لڑکی، کنبہ کی مخالفت پر کیا کورٹ کا رخ

دو لڑکیوں کی دوستی اور انسانیت کے مذہب کے درمیان کنبہ آڑے آ رہا ہے۔ ایک سکھ لڑکی اپنی مسلم دوست کو کڈنی عطیہ کرنا چاہتی ہے لیکن انہیں کنبہ کی مخالفت کو جھیلنا پڑرہا ہے۔ دو لڑکیوں کی دوستی جموں۔کشمیر میں ایک سکھ لڑکی اپنی ایک مسلم دوست کی جان بچانے کیلئے اسے اپنی کڈنی دینا چاہتی ہے لیکن اس سکھ لڑکی کی فیملی اس کی مخالفت کر رہی ہے۔ جس سے اس عمل میں تاخیر ہو رہی ہے۔ اس لئے اب انہیں عدالت کا رخ کرنا پڑا ہے۔

جموں کے اودھم پورعلاقے کی ایک سکھ سماجی کارکن 23 سال کی منجوت سنگھ کوہلی نے اپنی ایک کڈنی راجوری کی اپنی 22 سالی کی مسلم دوست سمرین اختر کو عطیہ کرنے کا فیصلہ کیا ہے لیکن کنبہ کے لوگ ان کے اس فیصلے سے راضی نہ ہوکر اس کی مخالفت کر رہے ہیں۔

منجوت سنگھ کوہلی نے کہا ‘ ہم گزشتہ چار سال سے دوست ہیں اور میں سمرین سے جذباتی طور پر جڑی ہوئی ہوں۔ ساتھ ہی انسانیت میں میرا مکمل یقین ہے جو مجھے کڈنی عطیہ کرنے کیلئے ترغیب دے رہا ہے’۔

سکھ لڑکی منجوت سنگھ کوہلی نے کہا چونکہ ان کی فیملی اس کی مخالفت کر رہی ہے اور اس سے ا س کام میں دیری ہو رہی ہے جس کے مد نظر انہیں کورٹ جانا پڑرہا ہے۔