سوپورمیں جیش محمدنیٹ ورک کاتوڑ

4بالائی زمین ورکرگرفتار،اسلحہ بھی برآمد:پولیس

سوپور:۲۷،جون:کے این این/ سوپورپولیس نے دعویٰ کیاکہ فوج ،فورسزاورپولیس کی ایک مشترکہ کارروائی کے دوران 4ایسے نوجوانوں کی اسلحہ سمیت گرفتاری عمل میں لائی گئی جوعسکری تنظیم جیش محمدکیلئے بطوربالائی زمین ورکرکام کرتے تھے ۔کے این این کوپولیس ذرائع نے بتایاکہ مصدقہ اطلاع ملنے پرسوپورپولیس کی ایک ٹیم نے 22آرآراورسی آرپی ایف کی 177ویں اور179ویں بٹالین کے اشتراک سے منگل وارکی شام فروٹ منڈی سوپورکراسنگ کے نزدیک جیش محمدسے وابستہ 4بالائی زمین ورکروں کوگرفتارکرلیا،اوراُنکی تحویل سے یوبی جی ایل ،36ایچ ای 36نامی2 گرینیڈاوردیگرکچھ قابل اعتراض سامان ضبط کیاگیا۔ذرائع کے مطابق فوج ،فورسزاورپولیس کی مشترکہ کارروائی کے دوران گرفتارکئے گئے نوجوانوں میں غلام حسن ملہ ساکنہ ملہ گونی پورہ،فیاض احمدوارولدغلام محی الدین وجاویداحمدوارولدعبدالرحمان ساکنان وارپورہ سوپوراورمقصوداحمدوارساکنہ دھچن پورہ روہامہ رفیع آبادشامل ہیں ۔ذرائع کے مطابق گرفتارافرادکیخلاف پولیس تھانہ سوپورمیں ایف آئی آرزیرنمبر174/2018زیردفعہ7/25آرمزایکٹ اور13یوایل اے کے تحت کیس درج کیاگیاجبکہ چاروں سے پوچھ تاچھ جاری ہے۔