کانگریس نے5 ریاستوں کے انتخابات کےلئےکمیٹی تشکیل دی، مودی سے ہارنے والے لیڈرکوملی بڑی ذمہ داری

نئی دہلی: کانگریس کے صدر راہل گاندھی نے اس سال کے آخر میں اوراگلے سال ہونے والے پانچ ریاستوں کے اسمبلی انتخابات کی تیاریاں شروع کردی ہیں۔ صدر کا عہدہ سنبھالنے کے بعد راہل گاندھی نے 5 ریاستوں کے لئے کمیٹیاں تشکیل کی ہے، جو امیدواروں کے ناموں کو حتمی شکل دیں گی۔

کانگریس کی اس لسٹ میں خاص بات یہ ہے کہ وزیراعظم نریندر مودی نے جس لیڈر کو ریکارڈ ووٹوں سے شکست دی تھی، کانگریس نے اسے بڑی ذمہ داری دی ہے۔ 2014 کے لوک سبھا کے انتخابات میں گجرات کی وڈودرا سیٹ سے مدھوسودن مستری وزیراعظم نریندر مودی سے ہار گئے تھے۔ نریندر مودی نے انہیں ریکارڈ ووٹوں سے شکست دی تھی۔

کانگریس نے5 ریاستوں کے انتخابات کےلئےکمیٹی تشکیل دی، مودی سے ہارنے والے لیڈرکوملی بڑی ذمہ داری
مودی کے آبائی ریاست گجرات سے ہی تعلق رکھنے والے مدھوسودن مستری نریندر مودی کی جم کر تنقید کرتے رہتے ہیں۔ مدھوسودن مستری کئی بار اپنے متنازعہ بیانات کو لے کر سرخیوں میں رہے ہیں۔

ایک بار میڈیا سے بات چیت میں وزیراعظم مودی سے ہارنے کے سوال پر انہوں نے جواب دیا کہ مودی کے خلاف الیکشن لڑچکا ہوں، میں ان کی نس نس سے واقف ہوں۔ جب کوئی مجھ سے مودی کے بارےمیں سوال کرتا ہے تو میرا خون کھولنے لگتا ہے۔

کانگریس کے جنرل سکریٹری اشوک گہلوت نے جمعہ کو یہاں لسٹ جاری کرتے ہوئے بتایا کہ راجستھان، مدھیہ پردیش، چھتیس گڑھ، اڑیسہ اور میزورم کے لیے کمیٹیاں تشکیل کی گئی ہیں۔ سابق مرکزی وزیر کماری شیلجا کو راجستھان، مدھوسودن مستری کو مدھیہ پردیش اور بھونیشور كالتا کو چھتیس گڑھ کی کمیٹی کا صدر بنایا گیا ہے۔

للتیشور ترپاٹھی اور شاکر سنادی کو راجستھان کی کمیٹی کے ارکان کے طور پر مقرر کیا گیا ہے۔ اسی طرح محترم نیتا ڈیسوزا اور اجے کمار لالو کو مدھیہ پردیش کی اور مسٹر روہت چودھري اور اشون کوتوال کو چھتیس گڑھ کی کمیٹی کا ممبر بنایا گیا ہے۔ وی ڈی ستيشن کو اڑیسہ کی چھان بین کمیٹی کا اورجتن پرساد اور نوشاد سولنکی کو ممبر بنایا گیا ہے۔ لوئی جنہو فلیریو کو میزورم کمیٹی کا چیئرمین بنا یا گیا ہے۔

(یواین آئی )