جموں کشمیر میں مزید 14افراد کے کورنا وائرس ٹیسٹ مثبت سامنے آئیں ، تعداد 106تک پہنچ گئی

خانیار سے خادنیار اور قاضی گنڈ سے بونیار تک مکمل لاک ڈائون سے معمولات درہم برہم

سرینگر/05اپریل: دنیا بھر میں کورنا وائرس کے بڑھتے پھیلائو کے بیچ اتوار کے روز جموں کشمیر میں مزید 14افراد کے کورنا وائرس ٹیسٹ مثبت آنے کے ساتھ ہی مریضوں کی تعداد 106تک پہنچ گئی ہے ۔ ادھر ملک بھر میں لاک ڈاون کا 12واں روز آج ختم ہوا جبکہ وادی کشمیر میں لاک ڈاون کے 18روز مکمل ہوچکے ہیں اورلاک ڈاون کے نتیجے میں وادی کشمیر میںمعمولات زندگی بُری طرح سے متاثر ہوئی ہے۔لاک ڈاون کے نتیجے میں وادی بھر میں ہو کا عالم رہا اور سڑکوں پر سناٹا چھایا رہا سڑکوں کی پبلک وکمرشل ٹرانسپورٹ غائب دکانیں مقفل ہونے کے ساتھ ساتھ ہر سو خوف کے سائے دکھائی دے رہے ہیں۔ادھر کورناوئرس کے کیسوںمیں مسلسل اضافہ ہونے کے نتیجے میں اہلیان وادی میں سخت تشویش دور گئی ہے اور لوگوں میں سخت خوف و ہراس پھیل گیا ہے ۔ اس دوران انتظامیہ کی جانب سے بندشوں میں مزید سختی برتی جارہی ہے اور حکم امتناعی کی خلاف ورزی کرنے والوں سے سختی سے نمٹا جارہا ہے اورروزانہ درجنوں افراد کے خلاف روزانہ کیس دائر کیا جارہا ہے ۔ کرنٹ نیوز آف انڈیا کے مطابق عالمی وبائی کوروناوائرس کے تیزی کے ساتھ پھیلائو کی وجہ سے ملک بھر کے ساتھ ساتھ وادی کشمیر میں بھی لاک ڈاون مسلسل جاری ہے اگرچہ ملک میں گذشتہ بارہ روز سے لاک ڈاون جاری ہے تاہم وادی کشمیر میں گذشتہ 18 روز سے مکمل لاک ڈاون جاری ہے جس کے نتیجے میں معمولات زندگی درہم برہم ہے ۔ادھر اتوار کے روز مزید 14مریضوں کے کورنا وائرس کے ٹیسٹ مثبت آنے کے ساتھ ہی تعداد سو پار کر گئی ۔ اور مجموعی طور پر کل ملا کر 106کیس مثبت سامنے آئیں ۔جموں کشمیر حکومتی ترجمان روہت کنسل نے اپنی ایک ٹویٹ میں اس کی تصدیق کرتے ہوئے بتایا کہ کشمیر میں مزید 14افراد کے ٹیسٹ کورنا وائرس کیلئے مثبت سامنے آئیں جس کے ساتھ ہی تعداد 106تک پہنچ گئی ہے ۔ ادھر وادی کے خادنیار سے بونیار تک مکمل لاک ڈاون کے بعد لوگ سخت دشواریوں کے شکار ہوگئے ہیں ۔ کھانے پینے کی اشیاء میں قلت کے علاوہ قیمتوں میں بے تحاشہ اضافہ ہورہا ہے جس نے عام لوگوں کی مشکلات میں اور زیادہ اضافہ کردیا ہے ۔ادھرروزانا کوروناوائرس میں پھیلائو اور مریضوںمیں اضافہ ہونے کے نتیجے میںلوگوں میں بھی خوف وتشویش لہر بھی جاری ہے اور لوگوں میں سخت خوف و ہراس پھیل گیا ہے ۔ انتظامیہ نے کورونا وائرس پر قابو پانے کے لئے درجنوں ان علاقوں، جن سے وائرس کے مصدقہ یا مشتبہ کیسز سامنے آئے ہیں، کو ‘ریڈ زون’ قرار دے کر مکمل سیل کیا ہے اور ان علاقوں کے لوگوں کو اپنے ہی گھروں میں قرنطینہ میں رکھا گیا ہے۔جبکہ پابندی کو مزید سخت کردیا گیا ہے اس کے ساتھ ساتھ کوروناوائرس کو پھیلنے سے بچنے کیلئے حکم امتناعی کی خلاف ورزی کرنے والوں کے خلاف بھی انتظامیہ اور پولیس کی جانب سے کارروائیاں انجام دے رہے ہیں۔ ادھر لاک ڈاون کا ناجائز فائدہ اُٹھانے والوں نے عام لوگوں کا خون چوسنا شروع کیا ہے جن کے خلاف انتظامیہ کارروائی کرنے سے قاصر ہے ۔ لاک ڈاون جاری رہنے کے باوجود بھی وادی میں کوروناوائرس کے کیسوں میں مسلسل اضافہ ہوتا جارہا ہے ۔گھر میں رہو محفوظ رہو۔۔!