03مارچ سے بالائی علاقوں میں برفباری اور میدانی علاقوں میں بارشوں کی پیشگوئی

موسمی صورتحال میں ایک مرتبہ پھر تبدیلی آنے کا امکان

سرینگر: سنیچر وار سے وادی کے بالائی علاقوں میں برفباری اور میدانی علاقوں میں بارشوں کی پیشن گوئی کرتے ہوئے محکمہ موسمیات نے کہا ہے کہ ہفتہ کے روز سے وادی میں کہیں کہیں پر ہلکی سے درمیانہ درجے کی برفباری اور بارش کا امکان ہے ۔ ادھر جمعہ کے روز مطلع ابرآلود رہنے کے نتیجے میں سردی میں اضافہ دیکھنے کو ملا ہے ۔ کرنٹ نیوز آف انڈیا کے مطابق وادی میں کچھ دن موسم خشک رہنے کے بیچ محکمہ موسمیات نے ایک پیشن گوئی کرتے ہوئے کہا ہے کہ وادی میں سنیچر وار سے بالائی علاقوں میں ہلکی سے درمیانہ درجے کی برفباری کا امکان ہے جبکہ میدانی علاقوں میں درمیانہ درجے کی وقفے وقفے سے جاری رہ سکتی ہیں ۔محکمہ موسمیات کے مطابق وقفے وقفے سے بارشوں اور برفباری کا سلسلہ 4مارچ تک رہ سکتا ہے اور پانچ مارچ سے پھر موسم بہتر ہونے کی امید ہے ۔ ادھر جمعہ کے روز وادی میں مطلع ابرآلود رہنے کی وجہ سے سردی میں اضافہ دیکھنے کو ملا ۔ شہر سرینگر میں گذشتہ رات کا کم سے کم درجہ حرارت 0.2ریکارڈ کیا گیا ہے جبکہ پہلگام میں درجہ حرارت بدستور نقطہ انجماد سے نیچے ہے جہاں رات کا کم سے کم درجہ حرارت منفی 4.1ریکارڈ کیا گیا ہے جبکہ قاضی گنڈ کا 1.0درجہ حرارت اور گلمرگ میں شبانہ درجہ حرارت منفی 8.0ریکارڈ کیا گیا ہے ۔ادھر کپوارہ میں منفی 1.2ڈگری سیلئس اور کورکرناگ میٰں 0.4درج کرلیا گیا ہے ۔