گورئمنٹ ڈگری کالج پٹن کے پرنسپل رشوت لیتے ہوئے گرفتار

سرینگر /14فروری /

رشوت خور افسران اور ملازمین کے خلاف کارورائی جاری رکھتے ہوئے اینٹی کورپشن بیورو جموں کشمیر نے سرینگر میں محکمہ اعلیٰ تعلیم کے اسسٹنٹ پروفیسر جو کہ ڈگری کالج پٹن کے پرنسپل ہے کو رشوت لیتے ہوئے رنگے ہاتھوں دبوچ لیا

اے سی بی کے ایک سنیئر افسر نے اس کی تصدیق کرتے ہوئے بتایا کہ پروفیسر طارق عشائی جو گورئمنٹ ڈگری کالج پٹن کے پرنسپل ہیں کو ایس پی کالج سرینگر میں 60,000 روپے کی رشوت لیتے ہوئے رنگے ہاتھوں گرفتار کیا گیا

انہوں نے بتایا کہ شکایت موصول ہونے پر پولیس اسٹیشن اے سی بی سنٹرل کشمیر میں سیکشن 7 پریوینشن آف کرپشن ایکٹ 1988 کے تحت ایف آئی آر درج کی گئی اور تحقیقات کا آغاز کیا گیاجس دوران ایک جھال بچائی گئی اور ٹیم نے کامیابی کارروائی کے دوران طارق عشائی کو آزاد گواہوں کی موجودگی میں موقع پر ہی 60,000 روپے کا رشوت لیتے ہوئے دبوچ لیا

انہوں نے بتایا کہ معاملے کی مزید تحقیقات جاری ہے