گلمرگ میں 4 انچ تازہ برفباری، آئندہ کچھ دنوں تک موسم خشک رہنے کی پیشگوئی

سرینگر /21فروری / ٹی آئی نیوز

وادی کشمیر کے کچھ حصوں میں بارش اور برفباری ہوئی جبکہ محکمہ موسمیات نے پیشگوئی کی ہے کہ جموں و کشمیر میں فی الحال موسم زیادہ تر خشک رہے گا۔

محکمہ موسمیات نے بتایا کہ گلمرگ سمیت بالائی علاقوں میں تازہ برفباری ہوئی ہے ۔رات بھر سے آج صبح تک 10 سینٹی میٹر (4 انچ) برفباری ریکارڈ کی گئی ہے۔
انہوں نے کہا کہ سرینگر میں اس وقت بارش کے آثار تھے، تاہم قاضی گنڈ میں 4.3 ملی میٹر، پہلگام میں 4.3 ملی میٹر، کپواڑہ میں 7.6 ملی میٹر، کوکرناگ میں 4.2 ملی میٹر، بانہال میں 0.6 ملی میٹر، بٹوٹ میں 0.2 ملی میٹر اور بھدرواہ میں 1.4 ملی میٹر بارش ریکارڈ کی گئی۔

درجہ حرارت کے بارے میں، انہوں نے کہا،سرینگر میں گزشتہ رات کے 5.3 ڈگری سینٹی گریڈ کے مقابلے میں کم سے کم 5.0 ڈگری سینٹی گریڈ ریکارڈ کیا گیا۔