کے کے شرما نے کشمیر کے شراکت داروں کے ساتھ بجٹ سے قبل صلح مشورے کا انعقاد کیا

جی ایس ٹی کو بہتر طریقے پر سمجھنے کیلئے ہر ضلع میں تربیتی مراکز قایم کئے جائیں گے

سرینگر: گورنر کے مشیر کیول کمار شرما نے آج کشمیر صوبے کے شراکتداروں کے ساتھ بجٹ سے قبل صلاح مشورے کا انعقاد کیا ۔
خزانہ کے پرنسپل سیکرٹری نوین کمار چودھری ، کمشنر سیل ٹیکس پی کے بٹ ، ایکسائیز کمشنر طلعت پرویز روہیلہ ، ایڈیشنل کمشنر سیلز ٹیکس منظور احمد بٹ ، کمرشل ٹیکسز اینڈ ایکسائیز محکموں کے مختلف یونٹوں کے ڈپٹی کمشنر اس موقعہ پر موجود تھے ۔
میٹنگ کے دوران مشر موصوف نے صنعتکاروں ، ہوٹل مالکان ، مختلف مصنوعات کو تیار کرنے والوں ، تاجروں و دیگر لوگوں کے ساتھ ملاقات کی اور آنے والے بجٹ کو احسن طریقے پر ترتیب دینے کیلئے اُن کی تجاویز بغور سُنیں ۔
کشمیر ٹریڈرز اینڈ مینو فیکچررز ایسوسی ایشن ، کشمیر چیمبر آف کامرس اینڈ انڈسٹریز ، کشمیر برک مینو فیکررز ایسوسی ایشن ، کشمیر ہوٹل اینڈ ریسٹوران ایسوسی ایشن ، کشمیر ہوٹل اینڈ ریسٹورنٹ اونرز فیڈریشن ، کشمیر اکنامک فورم ، بریڈ مینو فیکچررز ایسوسی ایشن آف کشمیر ، کولڈ سٹوریج ایسوسی ایشن اور فیڈریشن چیمبر آف انڈسٹریز کشمیر کے نمائیندوں نے اس موقعہ پر کئی تجاویز پیش کیں ۔
تعلیمی سیکٹر ، سیاحت ، زراعت ، باغبانی ، ٹور اینڈ ٹریول اپریٹرز ، انڈسٹریل اسٹیٹس زاکورہ ، انڈسٹریل ایسوسی ایشن رنگریٹھ و دیگر نمائیندوں نے بھی اپنی تجاویز مشیر موصوف کو پیش کیں تا کہ آنے والے بجٹ میں ان تجاویز کو شامل کیا جائے گا ۔
کے کے شرما نے اس موقعہ پر متعلقہ افسران کو ہدایت د ی کہ وہ ہر ضلع میں جی ایس ٹی کو بہتر طریقے پر سمجھنے کیلئے تربیتی مراکز قایم کریں تا کہ کاروباری لوگ مستفید ہو سکیں ۔
اس موقعہ پر جی ایس ٹی ایڈوائیزری بورڈ کو تشکیل دینے کا مطالبہ بھی مشیر موصوف کو پیش کیا گیا ۔
کے کے شرما نے تمام شراکتداروں سے تجاویز بغور سُنیں اور انہیں یقین دلایا کہ اُن کی تجاویز پر غور کیا جائے گا تا کہ ریاستی بجٹ کو ترتیب دیتے ہوئے ان تجاویز کو ملحوظ نظر رکھا جا سکے ۔