کپواڑہ میں کنٹرول لائن کے قریب بارودی سرنگ دھماکہ ، دو فوجی زخمی

سرینگر /04اکتوبر / ٹی آئی نیوز

سرحد ی ضلع کپواڑہ میں لائن آف کنٹرول پر ترہگام سیکٹر میں مشتبہ بارودی سرنگ کے دھماکے میں دو فوجی زخمی ہو گئے،

حکام نے بتایا کہ دھماکا ترہگام میں لائن آف کنٹرول کے قریب صبح 3 بجے اس وقت ہوا جب فوجی علاقے میں گشت کر رہے تھے۔

انہوں نے کہا کہ دھماکے میں فوج کے 19 سکھوں کا ایک حوالدار اور ایک نائک زخمی ہوئے، اور دونوں زخمیوں کو کپواڑہ کے اسپتال میں داخل کرایا گیا۔ انہوں نے مزید کہا کہ اب دونوں کی حالت مستحکم بتائی جاتی ہے۔