کوکرناگ جھڑپ : تین سے چار ملی ٹنٹ موجود ، شہریوں کے کردار کی تحقیقات جاری / آئی جی پی کشمیر

سرینگر /11اگست / ٹی آئی نیوز

گڈول کوکرناگ جنگلات میں ممکنہ طو رپر تین سے چار ملی ٹنٹوں کا ایک گروپ موجود ہے کی بات کرتے ہوئے انسپکٹر جنرل آف پولیس کشمیر زون وی کے بردی نے کہا کہ پولیس اس بات کی تحقیقات کر رہی ہے کہ عام شہری وہاں کیسے پہنچ گئے تھے ۔انہوں نے کہا کہ ایسا لگتاہے کہ ملی ٹنٹوں کا گروپ ڈوڈہ اننت ناگ کے راستے اُس پار سے یہاں پہنچ گئے ہیں ۔

تفصیلات کے مطابق گڈول کوکرناگ جنگلات میں جاری مسلح تصادم آرائی کا جائزہ لینے کیلئے انسپکٹر جنرل آف پولیس کشمیر زون وی کے بردی نے کوکرنا گ کا دورہ کیا جس دورا ن انہوں نے وہاں میڈیا نمائندوں سے بات کرتے ہوئے بتایا کہ جنگلات میں تین سے چار ملی ٹنٹوں پر مشتمل گروپ موجود ہے جن کیخلاف آپریشن جاری ہے ۔

انہوں نے کہا ” ایسا لگتا ہے کہ دہشت گردوں کی تعداد تین سے چار ہے۔ جو جنگلات میں موجود ہے “۔ انہوں نے کہا کہ ایسا لگتا ہے کہ یہ گروپ ڈوڈہ سے اس طرف گھس آیا ہے کیونکہ اننت ناگ اور ڈوڈہ کی سرحدیں جڑی ہوئی ہیں۔آئی جی پی کشمیر نے مزید کہا ””ہم شہریوں کے کردار کی تحقیقات کر رہے ہیں کہ وہ دہشت گردوں کے اتنے قریب کیوں اور کیسے تھے“