سرینگر،08مئی
جنوبی ضلع کولگام کے ریڈونی پائین گاوں میں بدھ کی سہ پہر سیکورٹی فورسز اور ملی ٹینٹوں کے درمیان پھر سے گولیوں کا تبادلہ شروع ہوا ہے جس دوران ایک اور ملی ٹنٹ جاں بحق ہو گیا
بتادیں کہ پیر کے روز سیکورٹی فورسز نے ریڈونی پائین میں لشکر کمانڈر اور اس کے ساتھی کو مار گرانے کا دعویٰ کیا تھا .
معلوم ہوا ہے کہ رہائشی مکان کے ملبے کو صاف کرنے کے دوران وہاں پر چھپے بیٹھے ملی ٹینٹ نے سیکورٹی فورسز پر فائرنگ کی جس کے بعد سلامتی عملے نے بھی پوزیشن سنبھال کر جوابی کارروائی کا آغاز کیا۔
اطلاعات کے مطابق کولگام کے ریڈونی پانی میں بدھ کی سہ پہر اس وقت سنسنی کا ماحول پھیل گیا جب تصادم کی جگہ اچانک ملی ٹینٹ نمودار ہوئی جس نے وہاں پر تعینات سیکورٹی فورسز پر فائرنگ کی۔
ذرائع نے بتایا کہ سلامتی عملے نے بھی پوزیشن سنبھال کر جوابی کارروائی کا آغاز کیا جس دوران ایک اور ملی ٹنٹ جاں بحق ہو گیا
پولیس ذرائع نے بتایا کہ منگل کے روز سیکورٹی فورسز کے ساتھ تصادم میں لشکر کمانڈر باسط ڈار اور اس کا ساتھی مارا گیا۔
انہوں نے بتایا کہ سیکورٹی فورسز کو مصدقہ اطلاع موصول ہوئی تھی کہ رہائشی مکان میں تین ملی ٹینٹ چھپے بیٹھے ہیں جس کے پیش نظر آپریشن کو جاری رکھا گیا ۔
ان کے مطابق بدھ کی سہ پہر تصادم کی جگہ اچانک ایک جنگجو نمودار ہوا جس نے فورسز پر فائرنگ شروع کی۔
انہوں نے مزید بتایا کہ علاقے میں سیکورٹی فورسز اور ملی ٹینٹ کے درمیان شدید گولیوںکا تبادلہ ہوا جس دوران ایک اور ملی ٹنٹ مارا گیا جس کے نتیجے میں ہلاکتوں کی تعداد 3 تک پہنچ گئی
Comments are closed.