کشمیر یونیورسٹی کے مرکزی اور سیٹلائٹ کیمپس میں گرمائی تعطیل کا اعلان

کشمیر یونیورسٹی نے مرکزی اور سیٹلائٹ کیمپس کیلئے 25 جولائی سے گرمیوں کی چھٹیوں کا اعلان کیا۔کشمیر یونیورسٹی 25جولائی سے 03اگست تک گرمائی تعطیلات کیلئے بند رہے گی ۔

کشمیر یونیورسٹی نے اپنے منسلک کالجوں کے بعد مرکزی اور سٹالائٹ کیمپس میں گرمائی تعطیل کا اعلان کیا ہے

یونیورسٹی کے تعلیمی امور کے جوائنٹ ڈائریکٹر نے کہا کہ کیمپس 25جولائی سے 03اگست تک تعطیلات منائیں گے۔انہوں نے کہا ” یونیورسٹی کے تمام تدریسی شعبہ جات اور اس کے سیٹلائٹ کیمپس 25 جولائی 2024 سے 3 اگست 2024 تک موسم گرما کی تعطیلات منائیں گے“۔تاہم عہدیدار نے کہا کہ محکمہ جاتی دفاتر معمول کے مطابق کام کریں گے اور شعبہ جات، کیمپس اور مراکز کے سربراہان، ڈائریکٹرز، کاڈنیٹر اس بات کو یقینی بنائیں گے کہ امتحانات، اگر کوئی ہیں، اور دیگر انتظامی سرگرمیاں شیڈول کے مطابق منعقد ہوں۔