کشتی الٹ جانے کا واقعہ:صورتحال پر گہری نگاہ ، انتظامیہ سوگوار خاندانوں کی ہر ممکن مدد کر رہے ہیں / لیفٹنٹ گورنر

سرینگر /16اپریل / ٹی آئی نیوز

جموں و کشمیر کے لیفٹنٹ گورنر منوج سنہا نے کہا کہ سرینگر کے گنڈبل علاقے میں دریائے جہلم میں کشتی الٹنے سے 4 افراد کی موت کے بعد وہ صورتحال پر مسلسل نظر رکھے ہوئے ہیں۔

ایل جی جموں کشمیر کے دفتر ایکس پر ایک پوسٹ میں کہا گیا ہے کہ انتظامیہ سوگوار خاندانوں کو ہر ممکن مدد فراہم کر رہی ہے۔

انہوں نے لکھا ” لیفٹنٹ گورنر نے کشتی الٹنے سے جانی نقصان پر بھی دکھ کا اظہار کیا۔ میں سرینگر میں ایک کشتی حادثے کی وجہ سے ہونے والے جانی نقصان پر بہت غمزدہ ہوں۔ میرے خیالات سوگوار خاندانوں کے ساتھ ہیں اور میں اللہ تعالیٰ سے دعا کرتا ہوں کہ وہ انہیں اس بے پناہ نقصان کو برداشت کرنے کی طاقت دے“۔

اس نے کہا کہ ایس ڈی آر ایف، فوج اور دیگر ایجنسیوں کی ٹیم راحت اور بچاو¿ کا کام کر رہی ہے۔ ”انتظامیہ سوگوار خاندانوں کو ہر ممکن مدد فراہم کر رہی ہے جنہوں نے اپنے عزیز و اقارب کو کھو دیا ہے اور زخمیوں کو طبی سہولیات فراہم کی جا رہی ہیں۔ مارکوس ٹیموں کو بھی الرٹ کر دیا گیا ہے۔ میں صورتحال کی مسلسل نگرانی کر رہا ہوں اور زمین پر ٹیم کی رہنمائی کر رہا ہوں“۔