ڈی آئی پی آر پلوامہ کی جانب سے عظیم شان تقریب منعقد

پلوامہ /23نومبر / ٹی آئی نیوز

جنوبی ضلع پلوامہ میں محکمہ اطلاعات و تعلقات عامہ نے گورئمنٹ ڈگری کالج پلوامہ کے کیرئیر کاو¿نسلنگ اینڈ پلیسمنٹ سیل کے اشتراک سے سیول سروسز کے خواہشمند امیدواروں کی حوصلہ افزائی اور رہنمائی کیلئے ایک روزہ سیمینار اور تہنیتی تقریب کا انعقاد کیا۔

تقریب کا آغاز ضلع انفارمیشن آفیسر پلوامہ وجیزہ مشتاق کے خطبہ استقبالیہ سے جبکہ سینئر سپرنٹنڈنٹ آف پولیس پلوامہ پی ڈی نتیا (آئی پی ایس) نے اس موقع پر بطور مہمان خصوصی شرکت کی اور کامیاب امیدواروں کو مبارکباد پیش کی جنہوں نے حال ہی میں ختم ہونے والے جموں و کشمیر مشترکہ مسابقتی امتحان، 2023 میں شاندار کارکردگی کا مظاہرہ کیا تھا۔

اس موقعہ پر ایس ایس پی نے اپنے خطاب میں سول سروسز میں کامیابی حاصل کرنے میں عزم اور مستقل مزاجی کی اہمیت کو اجاگر کیا۔ انہوں نے طلباءکو اپنی صلاحیتوں پر یقین کرنے اور عزم کے ساتھ اپنے مقاصد کے لیے کام کرنے کی ترغیب دی۔

سول سروسز کے امتحانات کے ٹاپروں نے سیشن کے دوران اپنی بصیرت کا اشتراک کیا، اپنے سفر، تیاری کی حکمت عملیوں اور چیلنجوں پر قابو پانے کے بارے میں تفصیلی بات کی ۔ جس کے بعد ایک انٹرایکٹو سیشن ہوا، جہاں طلباءنے امتحان کے مختلف پہلوو¿ں پر رہنمائی اور عملی مشورے کے حصول کے لیے ٹاپرز کے ساتھ جوش و خروش سے حصہ لیا۔

سیمینار میں سینکڑوں طلباءکی شرکت جنہوں نے تقریب کے دوران فراہم کردہ قیمتی بصیرت کے لیے جوش و خروش اور تعریف کا اظہار کیا۔

پروگرام کا اختتام جی ڈی سی پلوامہ کی فیکلٹی کی طرف سے پیش کردہ شکریہ کے ووٹ کے ساتھ ہوا، جس میں ڈی آئی پی آر پلوامہ، کیرئیر کونسلنگ اینڈ پلیسمنٹ سیل اور تمام معززین نے ایونٹ کو کامیاب بنانے کی کوششوں کو سراہا۔