پنجاب میں منشیات کے بین الاقوامی گروہ کا پردہ فاش، دو گرفتار

چنڈی گڑھ، 4 اکتوبر

پنجاب کے ایس اے ایس نگر (موہالی) پولیس نے منشیات کے ایک بین الاقوامی گروہ کا پردہ فاش کرتے ہوئے ڈیڑھ کلو ہیروئن کے ساتھ دو لوگوں کو گرفتار کیا ہے۔

پولیس کے ڈائریکٹر جنرل گورو یادو نے جمعہ کو بتایا کہ گرفتار اسمگلروں کی شناخت سکھدیپ سنگھ اور کرشنا کے طور پر کی گئی ہے۔ انہوں نے کہا کہ 1.5 کلو گرام ہیروئن پکڑی گئی اور دہلی میں مقیم افغان ہینڈلرز کو بے نقاب کیا گیا جو بین الاقوامی منشیات کے کارٹیل سے منسلک تھے۔

مسٹر یادو نے کہا کہ گرفتار سکھدیپ سنگھ پہلے 2020 میں اغوا کے ایک کیس میں ملوث تھا اور مئی 2024 سے ضمانت پر رہا تھا۔ اسمگلروں کے طریقہ کار کے بارے میں ان کا کہنا تھا کہ ہیروئن کو ہاف آستین والی جیکٹس میں چھپا کر گاڑیوں میں اسمگل کیا جاتا تھا۔ انہوں نے کہا کہ پولیس معاملے کی تحقیقات کر رہی ہے۔