‘پانچ سال کی اس بچی کی تصویر سوشل میڈیا پر وائرل، لوگوں نے بتایا ’ دنیا کی سب سے خوبصورت لڑکی

ایک 5 سالہ بچی کو اس وقت دنیا کی سب سے خوبصورت بچی قرار دیا گیا جب ایک فوٹوگرافر نے اس کی تصاویر اپنے انسٹاگرام اکاؤنٹ پر شیئر کیں۔ جارے نامی یہ بچی افریقی ملک نائیجریا سے تعلق رکھتی ہے اور اس کی تصاویر فوٹوگرافر موفے بامیوایوا نے اپنے انسٹاگرام اکاؤنٹ پر شیئر کیں۔ ان تصاویر میں بچی کی مسحور کردینے والی آنکھوں اور انداز کو دیکھا جاسکتا ہے جبکہ بالوں کا انداز بھی متاثرکن ہے ۔اس تصاویر کے کیپشن میں فوٹوگرافر نے لکھا ’’ ہاں، یہ انسان ہے ، یہ لڑکی ایک فرشتہ ہے ‘‘۔

ان تصاویر کو ہزاروں افراد نے لائیک کیا اور کمنٹس کی تعداد بھی بہت زیادہ رہی۔ کمنٹس میں اکثر افراد نے اسے ’’دنیا کی سب سے خوبصورت لڑکی‘‘قرار دیا۔ فوٹوگرافر نے یہ بتاکر لوگوں کو حیران کر دیا کہ ان تصاویر کو کھینچنے کے لیے اس نے لڑکی کو عمر سے زیادہ بڑا دکھانے کی کوشش کی۔

اس لڑکی کے بارے میں تو فوٹوگرافر نے زیادہ کچھ نہیں بتایا مگر ان کا کہنا تھا کہ وہ پروفیشنل ماڈل نہیں۔ یہ لڑکی اپنی 2 بہنوں کے ساتھ رہتی ہے جن کی عمریں 7 اور 10 سال ہیں اور ان کا اپنا ایک انسٹاگرام اکاؤنٹ بھی ہے ۔ فوٹوگرافر کی حوصلہ افزائی پر لڑکی کی ماں نے بھی انسٹاگرام اکاؤنٹ بنایا جن کے فالورز کی تعداد ہزاروں ہوچکی ہے ۔