وادی کے مشہور اتوار بازار’’سنڈے مارکیٹ ‘‘ میں گرم ملبوسات کی جم کر خریداری

ہزاروں کی تعداد میں لوگ آئے ، خواتین کی بڑی تعداد نے بھی جیبوں کو کیا خالی

سرینگر/30دسمبر/: وادی میں سردی کی شدت میں اضافہ کے پیش نظر آج وادی کے مشہور اتوار بازار’’سنڈے ماریکٹ ‘‘میں لوگوں کا اژدھام اُمڑ آیا اور گرم ملبوسات کی جم کر خریداری کی ، مارکیٹ میں خواتین اور بچوں کا بھاری رش دیکھنے کو ملا۔ کرنٹ نیوز آف انڈیا کے مطابق وادی میں سردی کی شدت کے نتیجے میں لوگوںنے سنڈے مارکیٹ میں گرم ملبوسات کی جم کر خریداری کی ۔ٹورسٹ یسپشن سنٹرسے لیکر مہاراجہ بازار امیرا کدل تک دونوں جانب ہزاروں کی تعداد میں چھاپڑی فروشوں نے مال سجایا جس میں گرم ملبوسات، کمبل، اور دیگر سازوسامان تھا ۔دھوپ کھلنے کے ساتھ ہی لوگ کی تعداد بڑھتی گئی اور دوپہر تک ہزاروں کی تعداد میں لوگ سنڈے مارکیٹ پہنچے جن میں خواتین اور بچے بھی شامل تھے ۔ سنڈے مارکیٹ میں خواتین نے کئی طرح کے چیزوں کی جم کر خریداری کی جن میں زیادہ تر گرم ملبوسات شامل ہیں ۔ سنڈے مارکیٹ میں ہزاروں کی تعداد میں تاجر اپنی چھاپڑیاں لگاکر ان پر مال سجاتے ہیں جن میں کراکری، ہوزری، جرابے، جوتے ، سٹیشنری، کتابیں ، پنٹ ، شیٹ، بیڈ شیٹ، مختلف اقسام کی کمبلیں ، الیٹرانک سامان ، جن میں موبائل وغیرہ بھی شامل ہوتا ہے ۔ جبکہ اچھی کمپنیوں کے ساتھ ساتھ ادنا کمپنیوں کا مال بھی خریداروں کی خدمت میں رکھا جاتا ہے ۔ سنڈے مارکیٹ وادی کاایک وہ واحدمارکیٹ ہیں جہاں پر اس تعدادمیں لوگ خریداری کرتے ہیں اور خریداری کی غرض سے ہی لوگ یہاں آتے ہیں ۔ سنڈے مارکیٹ سے جڑے کئی افراد نے سی این آئی کے ساتھ بات کرتے ہوئے کہا کہ اس مارکیٹ کی وجہ سے ہی ان کے اہل و عیال کا پیٹ پلتا ہے کیوں کہ ہفتے کے چھ دن وہ سنڈے مارکیٹ کیلئے مال تیار رکھتے ہیں اور اس روز یہاں فروخت کرتے ہیں ۔ سنڈے مارکیٹ کی وجہ سے ہزاروں لوگوں کو روزگار ملتا ہے جن میں چھاپڑی فروشوں کے علاوہ ، مسافر گاڑیوں ، آٹو ڈرائیوروں ، لوڈ کیریر والوں اور دیگر لوگ بھی سنڈے مارکیٹ کی وجہ سے اچھا خاصہ کاروبار کرتے ہیں ۔سنڈے مارکیٹ میں لوگ جرسیا ں ، گرم جرابے ، کمبل ، پھرن ، جیکٹوں اور دیگر گر م ملبوسات کے ساتھ ساتھ دیگر چیزوں کی خریداری میں مصروف رہے ۔