منشیات کے کاروبار میں ملوث عادی مجرموں کو بخشا نہیں جائیگا ، یوم جمہوریہ کے پیش نظر سیکورٹی کے انتظامات سخت /آئی جی پی کشمیر

سرینگر /24جنوری / ٹی آئی نیوز

منشیات کے عادی مجرموں کو بخشا نہیں جائے گا کی بات کرتے ہوئے انسپکٹر جنرل آف پولیس کشمیر زون وی کے بردی نے کہا کہ یوم جمہوریہ کی تقریبات کیلئے تمام حفاظتی انتظامات کیے گئے ہیں اور انہوں نے لوگوں سے تقریب میں بھر پور شرکت کی اپیل کی ہے ۔

تفصیلات کے مطابق انسپکٹر جنرل آف پولیس کشمیر وی کے بردی نے کہا کہ منشیات کی لعنت کے خلاف جنگ کو اس کے منطقی انجام تک پہنچایا جائے گا اور منشیات کے کاروبار میں ملوث عادی مجرموں کو بخشا نہیں جائے گا۔

بخشی اسٹیڈیم سرینگر میں فل ڈریس ریہرسل میں شرکت کے بعد میڈیا سے بات کرتے ہوئے آئی جی پی کشمیر وی کے بردی نے کہا ”تمام عادی مجرموں کی جانچ پڑتال کی جا رہی ہے اور کسی کو بھی نہیں بخشا جائے گا“۔

انہوں نے مزید کہا کہ یوم جمہوریہ کی تقریبات کے سلسلے میں تمام حفاظتی انتظامات مکمل کر لیے گئے ہیں اور لوگوں کو اس تقریب کا مشاہدہ کرنے کے لیے بڑی تعداد میں آنا چاہیے کیونکہ یوم جمہوریہ عوامی تقریب ہے“۔

کچھ سرگرمیوں میں ہتھیار ڈالنے والے عسکریت پسندوں کے ملوث ہونے کے بارے میں ایک سوال کا جواب دیتے ہوئے، آئی جی پی نے کہا”پولیس کے پاس برے کردار والے عناصر پر نگرانی برقرار رکھنے کا اپنا معیاری آپریٹنگ طریقہ کار ہے اور اسی کے مطابق چوکسی برقرار رکھی جاتی ہے۔“