مائیگرنٹ کشمیری پنڈت کمیونٹی کے تمام مسائل کو اِنتہائی حساسیت کے ساتھ حل کئے جارہے ہیں/لیفٹنٹ گورنر

جموں/16فروری

لیفٹنٹ گورنر منوج سِنہا نے آج جگتی کالونی اور مائیگرنٹ کیمپ بوٹانگرمیں 3روزہ مہا شیوراتری مہااُتسو میں شرکت کی۔
ریلیف آرگنائزیشن نے کیمپوں اور غیر کیمپ علاقوں میں کشمیری پنڈت کمیونٹی کی سہولیت کے لئے مہاشیوراتری مہااُتسو کے لئے 20لائن ڈیپارٹمنٹس کو اِکٹھا کیا ہے۔
لیفٹیننٹ گورنر نے مہاشیوراتری کی پیشگی مبارک باد دیتے ہوئے کہا کہ یہ تہوار کشمیری ثقافت اور ملک کے روحانی ثقافتی ورثے کا فیسٹول ہے۔
اُنہوں نے کہا کہ یہ ہماری قدیم اَقدار او راخلاقیات کی علامت ہے ۔اُنہوں نے مزید کہا کہ ملک او ردُنیا کے مختلف حصوں میں رہنے والے کشمیر ی پنڈت بھائیوںاور بہنوں نے اِس روایت کو زندہ رکھا ہے۔
لیفٹیننٹ گورنر نے کہا،” کشمیری پنڈتوں کا مہاشیوراتری یا ہیرتھ سب سے اہم تہوار ہے اور اس تہوار کو مناسب طور پر ”و<لِیو سمو۔ چلو ایک ساتھ چلیں“ کا نام دیا گیا ہے ۔ یہ ریلیف اینڈ ری ہیبلٹیشن محکمہ کا ایک خوش آئند قدم ہے۔“ اُنہوں نے کہا کہ ہمارے تہوار بھی خود بیداری کا ذریعہ ہیں۔ اُنہوں نے کہا کہ میں بھگوان شیو سے سب کی خوشی، خوشحالی ، اَچھی صحت او رتندرستی کے لئے دعا کرتا ہوں۔ لیفٹیننٹ گورنر نے کہا کہ مہاشیوراتری کے تہوار کو مد نظر رکھتے ہوئے تمام پی ایم پیکیج اور دیگر اقلیتی کمیونٹی کے ملازمین کی مکمل تنخواہیں جاری کی گئی ہیں جنہوں نے کشمیر میں اَپنی ڈیوٹی دوبارہ شروع کی ہے۔ اُنہوں نے کشمیری پنڈت کمیونٹی کو ان کی دہلیز پر بغیر کسی رُکاوٹ کے عوامی خدمات کی فراہمی میں توسیع کے لئے اِنتظامیہ کے اَقدامات پر بھی روشنی ڈالی۔ لیفٹیننٹ گورنر نے کہا کہ مائیگرنٹ کشمیری پنڈت کمیونٹی کے تمام مسائل کو ان کے حل کے لئے اِنتہائی حساسیت کے ساتھ اُٹھایا جارہا ہے۔ اُنہوں نے کہا کہ سپیشل گورننس کیمپ کشمیری پنڈت کیمونٹی کی فلاح و بہبود کے لئے ہمارے عزم کا ثبوت ہے ۔ اُنہوں نے مزید کہاکہ ریلیف اینڈ رِی ہیبلٹیشن محکمہ اور دیگر لائن ڈیپارٹمنٹس تمام سماجی تحفظ کی سکیموں ، اَنٹرپرینیور شپ ڈیولپمنٹ سکیموں اور ہنرمندی کے پروگراموں کے فوائد کی صد فیصد اہداف کو یقینی بنارہے ہیں۔ لیفٹیننٹ گورنر نے کشمیر ی پنڈت کمیونٹی کے تمام ممبران پر زور دیا کہ وہ خصوصی کیمپوںسے اِستفادہ کریں۔ اِنتظامیہ تمام حقیقی مسائل کو حل کے لئے ہمہ وقت تیار ہے ۔ اُنہوں نے مزید کہا کہ آپ کے مسائل اور شکایات کو فوری او رمو¿ثر طریقے سے حل کرنے کو یقینی بنانے کے لئے مسلسل کوششیں کی جارہی ہیں۔ اُنہوں نے کہا کہ حکومت جموںوکشمیر ہمیشہ آپ کے ساتھ کھڑی ہے۔آپ کی حفاظت ہماری اوّلین ترجیح ہے اور ہم اسے یقینی بنانے کے لئے تمام ممکنہ اقدامات کر رہے ہیں ۔اُنہوں نے کہاکہ یہ مرکزی حکومت اور وزیر اعظم کا عہد ہے۔ لیفٹیننٹ گورنر نے کہا کہ آپ نے تین دہائیوں تک بہت تکلیفیں برداشت کیں ۔ میری دعا ہے کہ وہ دِن آئے جب تم عزت کے ساتھ اَپنے گھروں کو لوٹو۔اُنہوں نے مزید کہا کہ مجھے اُمید ہے کہ آپ کی واپسی سے کشمیر کو اپنی کھوئی ہوئی شان مل جائے گی۔ اُنہوں نے کشمیر میں پی ایم پیکیج کے ملازمین کے لئے ہاﺅسنگ یونٹوں کی تعمیر کی پیش رفت کا بھی اشتراک کیا۔ اُنہوں نے کہا کہ پہلے 6,000مکانات کی تعمیر کے لئے زمین کاحصول مشکل تھا لیکن اَپ زمین کی نشاندہی کی گئی ہے اور دو جگہوں کو چھوڑ کر کام شدو مد سے جاری ہے ۔اُنہوں نے بتایا کہ اپریل تک 1,200 مکانات او ردسمبر تک زائد اَز 2,500مکانات حوالے کئے جائیں گے۔ اِس موقعہ پر 4 فروری کو سپیشل گورننس کیمپ کے دوران مختلف سکیموں کے لئے شناخت کئے گئے اِستفادہ کنند گان کو اِمداد اور اَتھارٹی لیٹر بھی حوالے کئے گئے۔