ضروری مرمت کے پیش نظر سرینگر جموں شاہراہ کل صبح سے 24گھنٹوں کیلئے بند رہے گی

رام بن /05فروری

ضلع ترقیاتی کمشنر رام بن کے مطابق حفاظتی پروٹوکول کے مطابق جموں سرینگر شاہراہ آج یعنی 06فروری ( منگل وار ) کی صبح 8بجے سے 7فروری ( بدھ وار ) کی صبح 8بجے تک کشتواڑی پتھر اور دھلواس میں سڑک کو چوڑا کرنے کیلئے 24 گھنٹے کا ٹریفک بند ہوگا

ا س سلسلے میں مسافروں سے تاکید کی گی ہے کہ وہ حکمنامہ پر من و عن عمل کریں ۔ خیال رہے کہ اس سے قبل برفباری اور بارشوں کے باعث سرینگر جموں شاہراہ پر دلواس کے مقام پر شاہراہ کی خستہ حالی کو دیکھ کر محکمہ ٹریفک نے کچھ دیر تک ٹریفک کی آمد رفت روک دی اور وہاں مرمتی کام شروع کیا گیا ۔

محکمہ ٹریفک نے بتایا کہ شاہراہ پر ضروری مرمت کے پیش نظر ٹریفک کی نقل و حمل کچھ دیر تک روک دی گئی جس کے بعد مرمتی کام شروع کر دیا گیا اور کچھ وقت کے بعد کام ختم کرنے کے ساتھ ہی گاڑیوں کو دوبارہ چلنے کی اجازت دی گئی ۔