شہریت ترمیمی قانون کی واپسی خارج ازامکان: وزیر داخلہ امت شاہ

سری نگر / 14مارچ

مرکزی حکومت کی جانب سے شہریت ترمیمی قانون کو مطلع کرنے کے چند دن بعد، مرکزی وزیر داخلہ امت شاہ نے کہا کہ اس قانون کو کبھی واپس نہیں لیا جائےگا اوریہ کہ بی جے پی کی قیادت والی حکومت اس کےساتھ کبھی سمجھوتہ نہیں کرے گی۔

ایک خبر رساں ایجنسی کو انٹرویو دیتے ہوئے وزیر داخلہ امت شاہ نے کہاکہ اپنے ملک میں ہندوستانی شہریت کو یقینی بنانا ہمارا خود مختار حق ہے۔انہوں نے واضح کیاکہ ہم اس پر کبھی سمجھوتہ نہیں کریں گے اور شہریت ترمیمی قانون (CAA) کو کبھی واپس نہیں لیا جائے گا۔کانگریس سمیت اپوزیشن جماعتوں کے اتحاد’ انڈیا بلاک‘ کے بارے میں پوچھے جانے پر، خاص طور پر کانگریس کے ایک رہنما نے کہا کہ جب وہ اقتدار میں آئیں گے تو وہ اس قانون کو منسوخ کر دیں گے، وزیر داخلہ نے کہا کہ اپوزیشن کو بھی معلوم ہے کہ اس کے اقتدار میں آنے کے امکانات کم ہیں۔

امت شاہ کاکہناتھاکہ یہاں تک کہ انڈیا بلاک بھی جانتا ہے کہ وہ اقتدار میں نہیں آئے گا۔انہوں نے کہاکہ شہریت ترمیمی قانون (CAA) بی جے پی پارٹی لے کر آئی ہے، اور نریندر مودی کی قیادت والی حکومت لائی ہے۔ اسے منسوخ کرنا ناممکن ہے۔ وزیر داخلہ امت شاہ نے کہاکہہم پوری قوم میں اس کے بارے میں بیداری پھیلائیں گے تاکہ جو لوگ اسے منسوخ کرنا چاہتے ہیں انہیں جگہ نہ ملے۔مرکزی وزیر نے اس تنقید کو بھی مسترد کردیا کہCAA غیر آئینی ہے۔انہوں نے کہاکہ یہ آئینی دفعات کی خلاف ورزی نہیں کرتا ہے۔وزیر داخلہ امت شاہ کاکہناتھاکہ وہ(اپوزیشن اتحاڈ۹ ہمیشہ آرٹیکل 14 کی بات کرتے ہیں لیکن وہ بھول جاتے ہیں کہ اس آرٹیکل میں2شقیں ہیں۔ شہریت ترمیمی قانون آرٹیکل 14 کی خلاف ورزی نہیں کرتا ہے۔ مرکزی وزیر نے کہا کہ یہاں ایک واضح، معقول درجہ بندی ہے۔
یہ ان لوگوں کے لیے ایک قانون ہے جو تقسیم کی وجہ سے افغانستان، پاکستان اور بنگلہ دیش میں رہ گئے تھے اور مذہبی ظلم و ستم کا سامنا کر رہے تھے اور انہوں نے ہندوستان آنے کا فیصلہ کیا تھا۔لوک سبھا انتخابات سے پہلے شہریت ترمیمی قانون (CAA) کا نوٹیفکیشن لانے کے وقت کے اپوزیشن کے دعوے کا جواب دیتے ہوئے، امت شاہ نے کہاکہ سب سے پہلے میں وقت کے بارے میں بات کروں گا